ହେ ଆନନ୍ଦମୟ!(ଭାଗ-୧୩)
ହେ ଆନନ୍ଦମୟ!(ଭାଗ-୧୩)


ଗଙ୍ଗା ମାତା ରୂପେ ପରିଚୟଟି ତୁମର
ଦୁଇହଜାର ପାଞ୍ଚଶ
ପଚିଶି ଦୂରତା କିଲୋମିଟରରେ
ଲମ୍ବିଛି କେତେକ କୋଶ ll୧୧୭ll
ଏକ ତିରିଶ ଯେ କିଲୋମିଟରରେ
ଅଧିକ ଗଭୀର ତାର
ହିମାଳୟ ଠାରୁ ଆରମ୍ଭ ହୋଇଛି
ପ୍ରବେଶ ହରିଙ୍କ ଦ୍ୱାର ll୧୧୮ll
ପୂଜା ଓ ପାର୍ବଣ ଭଜନ କୀର୍ତ୍ତନ
ଚାଲିଥାଏ କୁମ୍ଭ ମେଳା
ସରକାର ଚିନ୍ତା ଗଙ୍ଗାଙ୍କ ସ୍ୱଚ୍ଛତା
ହେବ ନାହିଁ ଅବହେଳା ll୧୧୯ll
ଆଠ ଲକ୍ଷ ଅଠ ତିରିଶ ହଜାର
୨ଶହ ବର୍ଗ.କି. ମି.ର
ବଙ୍ଗାଳଖାଡ଼ିରେ ଶୋଭା ପାଉଅଛି
ଡେଲଟା ବନ ସୁନ୍ଦର ll୧୨୦ll
ସନ୍ଧ୍ୟାର ଆଳତି ତଟେ ପିଣ୍ଡଦାନ
ପୂର୍ବ ପୁରୁଷଙ୍କ ମୋକ୍ଷ
ତ୍ରିବେଣୀ ସଙ୍ଗମ ଅସ୍ତି ପ୍ରବାହରେ
ଯୁଗେ ଯୁଗେ ଦିଏ ସାକ୍ଷ ll୧୨୧ll
ଭାଗିରଥି ଆଉ ମନ୍ଦାକିନୀ ସାଥେ
ଦେବ ନଦୀ କୁହାଯାଏ
ନଦୀରୂପୀ ମାତା
ପାର୍ବତୀ ମାଆ ଗୋ
ତ୍ରିଭୁବନ ଶୋଭା ପାଏ ll୧୨୨ll
ଇକ୍ଷ୍ୟାକୁ ବଂଶର ଦିଲ୍ଲୀପଙ୍କ ପୁତ୍ର
ଭଗିରଥ ଯାର ନାମ
ଷାଠିଏ ହଜାର ପୁତ୍ରଙ୍କ ଉଦ୍ଧାର
ହେବ ତାଙ୍କ ଶ୍ରେଷ୍ଠ କାମ ll୧୨୩l
ପୂଜି ଶଙ୍କରଙ୍କୁ ପାଇ ଗଙ୍ଗାମାତା
ହେଲେ ମର୍ତ୍ତ୍ୟରେ ପ୍ରବେଶ
ସାଗର ବଂଶର କୁମର ଗଣଙ୍କ
ଅଭିଶାପ ହେଲା ଶେଷ ll୧୨୪ll
ବେଫ୍ରିୟୋଫେଜର ବିଷାଣୁ ସର୍ବଦା
ଭାଇରସ କରେ ନାଶ
ସ୍ୱଚ୍ଛ ଓ ପବିତ୍ର ନିର୍ମଳ ମଧୁର
ଜଳରେ ସମାପ୍ତ ଶୋଷ ll୧୨୫ll
ହରିଦ୍ୱାର ଠାରେ ଅଳକା ନନ୍ଦା ଓ
ମା ଗଙ୍ଗୋତ୍ରୀ ଗ୍ଲେସିୟର
ମିଶ୍ରଣ ହୋଇଣ ପରିଚୟ ଦିଏ
ନାମ ଦେବ ପ୍ରୟାଗର ll୧୨୬ll
ବିଷ୍ଣୁ ନନ୍ଦ କର୍ଣ୍ଣ ରୁଦ୍ର ଦେବ ନାମ
ପଞ୍ଚ ପ୍ରୟାଗର ରୂପ
ସକଳ ଜୀବଙ୍କ ମୋକ୍ଷ ପ୍ରଦାୟିନୀ
ପୂଣ୍ୟମୟୀ ହରେ ପାପ ll୧୨୭ll