ଅଭିପ୍ରାୟ

ଭାବୁଛି କି ତାମସା ଚାଲିଛି,

ଜୀବନଟା ଏଠି ଶସ୍ତା

ଅଭିପ୍ରାୟ ମହଙ୍ଗା ପଡୁଛି 

ପଲ୍ଲୀ ରୁ ସହର ଯାଏଁ

କିଛି ତ ଗୋଟେ ତାମସା ଚାଲିଛି ।

କିଛି ତ ହଜି ଯାଇଛି

ସମୟର ଚୋରାବାଲି ରେ 

ହାତ ଯେତେ ଜୋରରେ ଯାବୁଡି ଧରିଲେ ବି

ଚୋରାବାଲି ପ୍ରତି ମୂହୁର୍ତ୍ତରେ ଖସି ଯାଉଛି 

ହଁ, କିଛି ତ ଗୋଟେ ହଜି ଯାଇଛି ।

ମୋ ଡାଏରୀ ର କେଉଁ ଏକ ପୃଷ୍ଠା

ଏବେ ବି ନୀରବ ଶୂନ୍ୟତା ରେ

ସାମାନ୍ୟ ଫର୍ଦ୍ଦ ପରି ଫଡ ଫଡ ହେଉଛି

ପ୍ରତୀକ୍ଷା ଏକ ଭାବାବେଗ ଅଭିପ୍ରାୟର

ଯେଉଁଠି ଜିଇଁବାର କ୍ଷୀଣ ଆଶା ଉଙ୍କି ମାରୁଛି ।

ଏ ପରିବ୍ୟାପ୍ତ ବିଶ୍ବରେ 

ଜୀବନ ଠାରୁ ମୃତ୍ୟୁ ପର୍ଯ୍ୟନ୍ତ

ସଭିଙ୍କ ମନର ଶେଷ ଆଶା କ'ଣ ?

ଟିକେ ଟିକେ କୁହୁଳୁ ଥିବା 

ଜୁଇ ହୃଦୟର ଶେଷ ଅଭିପ୍ରାୟ କ'ଣ ।