ଅକୁହା ମନ

ତୁମ ପାଇଁ ଆଜି କିଛି ମୁଁ ଲେଖିଛି

   ତୁମରି ଭାବନା କୁ ମନ ରେ ରଖି

ପ୍ରତି ମୁହୂର୍ତରେ ତୁମ ପାଇଁ କିଛି ମୁଁ ଭାବୁଛି

  ତୁମେ ଜାଣି ନାହଁ ତୁମରି ସେ ଛବି

ଏବେ ବି ମୋ ମନରେ ଅଛି

   ତୁମରି କେଇ ପଦ କଥା ଯେବେ

ମନେ ପଡି ଯାଏ ମୋତେ

  ଲାଗେ ତୁମେ ହାତ ଠାରି ମୋତେ

    ଡାକୁଛ ସତେ

ଆଖି ଖୋଲି ଯେବେ ଚାରିଆଡ଼କୁ

    ମୁଁ ଚାହୁଁ ଥାଏ

ତୁମରି ସେ ମିଠା କଥା ସେ ମିଠା ହସ

   ଚାରି ଆଡ଼ ତୁମ ମୁହଁ ଦିଶୁ ଥାଏ

ହେଲେ ସବୁ ଦିନପରି ତୁମରି

  ସେ ସ୍ମୃତି ଓ ମୋ ଆଖିର ଲୁହ

ମୋ ପାଖରେ ଥାଏ

ତୁମରି ସେ ସ୍ମୃତି ମୋର ଭାରି ନିଜର

  ଭାବିବିନୀ, ଭାବି ତୁମକଥା

ଭାବେ ମୁଁ ବାରମ୍ବାର

ତୁମରି ଭାବନା ମନରେ ଭରୀ

  ଅକୁହା କଥା କୁ କଲମର ସାହି କରି

ମୋ ମନର ପ୍ରତ୍ୟେକଟି କଥା କୁ

   ସାଧା କାଗଜରେ, କେତେ ଅଭିମାନ

କେତେ ପ୍ରତାରଣା, କେତେ ଲୁହ ଢାଳି ଥିଲି

   ସେସବୁ କଥାର ହିସାବ କରି

ମନେ ନାହିଁ କେତେ କେତେ

   ରାତି ଉଜାଗର ରେ ରହିଛି

ଆଖିର ଲୁହକୁ ପିପି ନିଜେ ବାଟ ଚାଲିଛି

  କାହା ପାଇଁ ପ୍ରେମ ମାନ, ଅଭିମାନ

ହସ ଖୁସିର ଗୋଟେ ମୁହୂର୍ତ ଟିଏ

ହେଲେ ମୋ ପାଇଁ ମୋ ପ୍ରେମ

   ମନ୍ଦିର ରେ ପୂଜା ଦେବତା ଟିଏ

ତୁମେ ଜାଣ ନାହିଁ ତୁମରି ପ୍ରେମ ରେ

    ଏପରି ପାଗଳୀ ହେଲି

ତୁମରି ଭାବନା ମନରେ ରଖି

   କେତେ ଯେ ଗୀତ ଲେଖିଲି

ତୁମରି ପ୍ରେମର ଉପହାର ତୁମେ

   ଏ ପରି ମୋତେ ଦେଲ

ଭାବନା ଢ଼େଉରେ ତୁମ କଥା ଲେଖି

    ଲେଖିକା ଟେ କରି ଦେଲ

ଆଜି ଯେବେ ମୋତେ କିଏ ବି ପଚାରେ

   ଲେଖୁଛି ମୁଁ କାହା ପାଇଁ

ତୁମେ ଜାଣ ନାହିଁ, ତୁମରି ପ୍ରେମ ରେ

  ପ୍ରତ୍ୟକ ଟି ଲେଖା କେବଳ ତୁମରି ପାଇଁ