ହାଟ

ହାଟ ବସିଛି ଏଇଠି 

ଖୋଲା ହାଟ ,

ଭଳି କି ଭଳି ଚିଜ ମିଳେ ହାତ ପାଖରେ .....।

ହାଟ ଏଇଠି ମିଛୁଆମାନଙ୍କର,

ସତ ଏଇଠି ବିକ୍ରି ହୁଏ 

ଭାରି କମ୍ ଦାମରେ ,

ସତର ପାଖେ ଛିଡ଼ା ହେବାକୁ 

ସେ ଚୋରମାନଙ୍କୁ ଭାରି ଡର ,

ଘର କଣରେ ଲୁଚି ରହିଯାଏ ତାଙ୍କ ଦେହ ....।

ହାଟ ବସିଛି ଅମାନବିକତାର ,

ମଣିଷ ପଣିଆ ନିଲାମ ହେଇଯାଏ 

ବିନା ମୂଲ୍ୟରେ ......।

ହାଟ ବସିଛି 

କିଛି କିଣା ଚାମଚାଙ୍କର ,

ବ୍ୟକ୍ତିତ୍ଵକୁ ବନ୍ଧା ପକେଇ 

କିଣନ୍ତି ମିଛି ମିଛିକା ଖୁସିକୁ ....।

ହାଟ ବସିଛି ସ୍ୱାର୍ଥପରଙ୍କର ,

ନିଃସ୍ୱାର୍ଥରତା ଏଇଠି 

ନାଲି ଗୋଡି ସହ ଚକଟା ହେଇଯାଏ .....।

ଏ ହାଟରେ ପାଦ ବି ପକେଇବା 

ଭାରି ଡର....,

ଦୂରରୁ କୋଟି ଦଣ୍ଡବତ ସେ ହାଟକୁ ...।