🎂ଏତେ ମିଠା କଥା କାହିଁ ପାଇଁ🎂

 

ସମସ୍ତେ ଡାକନ୍ତି ତମେ ବଲି ମୋତେ

ଏହାରତ ମୂଲ୍ୟ ନାହିଁ,

ତମେ ଯେବେ ମତେ ତମେ ବଲି କୁହ

ଏତେ ମିଠା କାହିଁ ପାଇଁ?

କେଉଁ ଆବଶ୍ୟକ ପୂରଣ ନିମନ୍ତେ

କହୁଅଛ ତମେ ତମେ

ଗୄହ କାର୍ଯ୍ୟ ପାଇଁ ଯାହା ଆବଶ୍ୟକ

ଶୀଘ୍ର କହି ଦିଅ ତମେ?

ପିଲା ପଢୁଛନ୍ତି ଦୂର ଶହରରେ

ମାସ ପୁରୀ ଗଲା ଏବେ,

ଟଙ୍କାର ବ୍ୟବସ୍ଥା ହୋଇ ପାରି ନାହିଁ

କି କରିବା କହ ଏବେ?

ତମେ ତମେ ବଲି କହୁ ଥାଅ ଯେବେ

ଡ଼ର ମାଡୁଥାଏ ମତେ,

କ୍ଷୀରର ପଇସା ଦେଇ ନାହିଁ ଏବେ

କି କହୁଛୁ କହ ଏବେ?

ଗରିବ ସଂସାର ଅତି ଭୟାବହ

ବୁଦ୍ଧି ଦିଶୁ ନାହିଁ କିଛି,

ଭଉଣୀର ଝିଅ ଆର ମାସେ ବିଭା

ବୁଦ୍ଧି ତୁମେ ଦିଅ କିଛି?

ସମସ୍ତେ ଡାକନ୍ତି ତମେ ବଲି ମୋତେ

ଏହାରତ ମୂଲ୍ୟ ନାହିଁ,

ତମେ ଯେବେ ମତେ ତମେ ବଲି କୁହ

ଏତେ ମିଠା କାହିଁ ପାଇଁ?