SM Boos ପ୍ରେମ ବିରହ କବିତା: ତୁମେ ଚାଲିଗଲ କାହିଁ ? -ଡକ୍ଟର କୃତ୍ତିବାସ ନାୟକ
SM Boos ପ୍ରେମ ବିରହ କବିତା: ତୁମେ ଚାଲିଗଲ କାହିଁ ? -ଡକ୍ଟର କୃତ୍ତିବାସ ନାୟକ
SM Boos ପ୍ରେମ ବିରହ କବିତା: ତୁମେ ଚାଲିଗଲ କାହିଁ ?
ଆମ ଦେଖା ନ ହୋଇଲା ନାହିଁ,
ତୁମେ କଥା ନ କହିଲ ନାହିଁ;
ତୁମେ ତ ଜାଣିଛ ମୁଁ ବି ଜାଣିଛି-ବାଟ ନାହିଁ ଆମପାଇଁ |
ଏବେ ଜୀବନଟା ବୋଝ ହେଲା,
ପ୍ରେମ ସବୁ କିଛି ନେଇଥିଲା;
ତୁମେ ଜାଣିନାହିଁ ମୁଁ ବି ଜାଣେନା-ଏମିତି କେମିତି ହେଲା ?
ତୁମ ବାଟରେ ଅନେକ ବାଧା,
ମୋର ପ୍ରୀତି ରହିଗଲା ଅଧା;
ମୋ ମନ କହୁଛି ତୁମେ କହୁଥିଲ-ମୁହିଁ କାହ୍ନା ତୁମେ ରାଧା |
ତୁମେ ମୋତେ ଦେଇଥିଲ ଚାହିଁ,
ଟିକେ ହସି ଦେଇଥିଲି ମୁହଁ;
ଆଖିର ପଲକେ ଅଜଣା ପୁଲକେ-ତୁମର ଗଲି ମୁଁ ହୋଇ |
ତୁମେ ଯଦି ବା ଜାଣିଛ କୁହ,
ମୋତେ କିଆଁ ଦେଲା ଏତେ ଲୁହ ?
ଡରି ରହିବାକୁ ଝୁରି ମରିବାକୁ-ନୀରବରେ କିଆଁ କୁହ ?
ମୋତେ କେବେ ଭୁଲିଯିବ ନାହିଁ,
ତୁମ ବାଟକୁ ରହିଛି ଚାହିଁ;
ତୁମପାଇଁ ମୁହିଁ ମୋ ପାଇଁ ତ ତୁମେ- ଆଜି ଚାଲିଗଲ କାହିଁ ?