ହାତଛାଡି ଯାଇଥିବା ଲୋକ

ଯିଏ ହାତ ଛାଡି

ବାଟଭାଙ୍ଗି

ଅଧାରାସ୍ତାରୁ

ଚାଲିଯାଏ

ତାକୁ ଏତିକି କଥା

କହିବାକୁ ଅଛି -

ଯିବାକୁ ମନା ନାହିଁ

ଖାଲି ଛାଡ଼ି ଯାଇଥିବା

ପୃଥିବୀକୁ ଥରେ ଫେରି ଚାହିଁ

ଖୁସିରେ ରହ..........

କିଏ ନେହୁରା ହେଉଥିଲା

ସଜେଇବାକୁ ସଂସାର ?

କିଏ ବାଧ୍ୟ କରୁଥିଲା

ରାତି ରାତି ଅନିଦ୍ରା ରହି

ଗପିବାକୁ ସ୍ଵପ୍ନ କଥା

ଛିଃ....

ଠକିବାକୁ ଲୋକ ମିଳେନା......

ନିଜ ହାତରେ ଉଜାଡି ଦିଅ ନିଜ ସ୍ଵପ୍ନ

ଦେଖ କେତେ ଆକୁଳ

କେଇ ଯୋଡା ଆଖି

କେତେ ବିକଳ ଗୋଟେ ନିର୍ଭରଶୀଳତା

ଭାବୁଛ ସେଠି ଭଲରେ ରହିବ ??

ରୁହ........