ଲାଇବ୍ରେରୀ
ପ୍ରୋଫାଇଲ୍
ଚିତ୍ରଗଛର ଚେର
ଚିତ୍ରଗଛର ଚେର
1 min
242
ଗୋଟେ ଅବରୁଦ୍ଧତାକୁ
ଡେଇଁ ପାରିଲିନି ବୋଲି
ଚିତ୍ରିତ କଲି ତାକୁ
ଚିତ୍ର ଭିତରେ ମୁକୁଳି ଗଲି
ଦ୍ଵାରରେ ଅନେକ ପ୍ରହରୀ
ଅନେକ ଆଖି
କେହି କ'ଣ ଜାଣିପାରିଲେ.......
ପ୍ରହରୀମାନେ
ସମୟକ୍ରମେ ବୁଢ଼ା ହେଲେ
ମରି ହଜି ଗଲେ
ମାଟିରେ ମିଶିଲେ ଯେଉଁ ଦିନ
ମୋ ଚିତ୍ର ଗଛରେ ଫୁଲ ଫୁଟିଲା
ଠିକ୍ ସେହିଦିନ
ଚିତ୍ରଗଛର ଚେର
ଫଟେଇ ଦେଲା ଅବରୁଦ୍ଧତାର
ଉଚ୍ଚା ପାଚେରୀ
କିଛି ମହକ ବି ବହିଗଲା ଫୁଲରୁ
ଅନୁକୂଳ ପବନ ଦିଗରେ
କେହି କେହି କଥାହେଲେ
ଅଲୌକିକ.............
