ଗଛ-ଲତା

ଫୁଲ ଫୁଟୁ ନଥିବା

ଗଛ ଦେହରେ

ଈଶ୍ଵର ବୋଲି କେହି ଜଣେ

ଖଂଜି ଦେଇଛି ଲତାଟିଏ

ଲତା ମାଡୁଛି ଗଛର ଦେହସାରା

କ୍ରମଶଃ ହେଉଛି ଏକାତ୍ମ

ଶୋଷୁଛି ଖାଦ୍ୟ ତା'ଦେହରୁ

ଫୁଲ ଫୁଟାଉଛି ଋତୁକୁ ଛୁଇଁ

ଦେଖଣାହାରୀ ଆଶ୍ଚର୍ଯ୍ୟ

କେତେ ସୁନ୍ଦର ଏ ଗଛର ଫୁଲ....!

ଗଛ ଭୋଗୁଛି କେବଳ

ଗୋଟେ ନୀରବ ନିବିଡ ଆଲିଂଗନ

ଫୁଲର ସୁଗଂଧିତ ଅଧିକାର

ଆଉ ଲତା.......

କେହି ଚେର କାଟିଦେଲେ ବି

ମରିଯାଉନି ସେ

ଜଡିଯାଇଛି ଗଛରେ

ଗୋଟେ ସବୁଜ ତନ୍ମୟତା

ସଂପର୍କର ହେତୁ ହୋଇପାରେ

ଈଷତ୍ ହଳଦୀରଂଗର ଫୁଲ ଭିତରେ

ଗଛ ଜନ୍ମ ନେଉଥାଏ ବାରଂବାର ।