ହାଏ ରେ କରୋନା

ଚୀନ ଦେଶରୁ ଆସିଲୁ କାହିଁ

ସାରା ବିଶ୍ଵକୁ ଗ୍ରାସିଲୁ ତୁହି

କେତେ ମନ ହେଲା ହାଇଁ ପାଇଁ

ଦୂର ଆକାଶୁ ଲୁହ ଝରଇ

ତୋ ଉଦ୍ଦେଶ୍ୟ କଥାଟେ କହନା

ହାଏ ରେ କରୋନା ।

ଶୁନ୍ ଶାନ୍ ସେ ସହର ଗଳି

ବାଟେ ଦାଦନ ଗଲେ ଯେ ଟଳି

ବୁଢା ବାପା ମନେ ଅନେକ କୋହ

ମା' ପୋଛୁଥିଲା ପଣତେ ଲୁହ

କି ନିଷ୍ଠୁର ତୁ ସହି ହୁଏନା

ହାଏରେ କରୋନା ।

ଡାକି ବୁଲେ ସଚ଼େତନ ବାଜା

ନାହିଁ ଆଉ ବାହା ଭୋଜି ମଜା

ମାସ୍କ ପିନ୍ଧ ସାବୁନରେ ହାତଧୁଅ 

ଜଣେ ଟିକେ ଦୂରେ ଛିଡ଼ାହୁଅ

ସାଙ୍ଗ ମେଳତୁ ସହି ପାରୁନା

ହାଏରେ କରୋନା ।

ପାଠପଢା ଚୁଲିକି ଯାଇଛି

ପରୀକ୍ଷା ଫଳ ଭଲ ହୋଇଛି

ବ୍ୟବସାୟୀଟେ କ୍ଷତି ସହିଛି

ମୁଣ୍ଡେ ହାତ ଦେଇ ସେ କାନ୍ଦୁଛି

କେତେ ଦେବୁ ଏମିତି ଯାତନା

ହାଏରେ କରୋନା ।

ଲାଗୁନି ଡର ତୋହରି ରଡ଼ି

ଆରେ ଫେରିଯା ଭାରତ ଛାଡ଼ି

କରୋନା ନାନୀ ହେବୁ ଜବତ

ଆମର ଅଛି ଟୀକା ବହୁତ

ଡରାନାରେ ଆଉତୁ ଡରାନା

ହାଏରେ କରୋନା ।