ଗୁରୁଦେବ ଚିର ନମସ୍ୟ

ଗୁରୁ ପରମ ବ୍ରହ୍ମ ସାକ୍ଷାତ ଈଶ୍ଵର

ଗୁରୁଦେବ ଚିର ପୂଜ୍ୟ

ଗୁରୁଦେବ ବିଷ୍ଣୁ ଗୁରୁ ଦେବ ବିଭୁ

ପଦ ପୂଜା କର ନିତ୍ୟ !

ଗୁରୁ ଦିବସରେ ସରାଗ ମନରେ

ନିଆରା ସମ୍ପର୍କ ଯୋଡ

ଭାବ ବନ୍ଧନରେ ହଜିଯାଅ ସର୍ବେ

ହସିବ ବିଦ୍ୟାର ନୀଡ଼ !

ପ୍ରିୟ ଶିଷ୍ୟ ଗଣ ରଖ ସଦା ପଣ

ଗୁରୁ ବାଣୀ ୠଣୀ ହୋଇ

ଶିଷ୍ୟର ସୁଖ୍ୟାତି ଗୁରୁର ସମ୍ପତ୍ତି

ଏକଥା ଭୁଲିବ ନାଇଁ !

ଦିବ୍ୟ ଜ୍ଞାନ ଦାତା ଗୁରୁ ଧର୍ମ ପିତା

ଗୁରୁ ହିଁ ଆଦର୍ଶ ସୂର୍ଯ୍ୟ

ଗୁରୁ ଆଶୀର୍ବାଦେ ପୁଷ୍ପ ବର୍ଷା ହୁଏ

ସଫଳତା ହୁଏ ଧାର୍ଯ୍ୟ !

ପୁରାଣ ବର୍ଣ୍ଣିତ କହାଣୀ ପ୍ରତୀତ

ଗୁରୁ ଶିଷ୍ୟ ପରମ୍ପରା

ପବିତ୍ର ଭାରତେ ଗୁରୁ ଛବି ଭାସେ

ଏ ସୃଷ୍ଟି୍ର ନିଆରା ଧାରା !

ହେ ଚିର ନମସ୍ୟ ସର୍ବ ପଲ୍ଲୀ ସୁତ

ଭୂତପୂର୍ବ ଗୁରୁ ବ୍ରହ୍ମା

ତଵ ଜନ୍ମ ଦିନ ଭାରତେ ବଦିତ

ଗୁରୁ ପାଏ ପଦ ପୂଜା !

ସଦାନନ୍ଦ ସାହୁ

କାରା କର୍ମଚାରୀ ;ଚୌଦ୍ୱାର ;କଟକ