ଗୁରୁ ଯେ ଈଶ୍ଵର

ଗୁରୁ ବ୍ରହ୍ମା ଗୁରୁ ବିଷ୍ଣୁ  ଗୁରୁ ଯେ ଈଶ୍ବର 

ଗୁରୁ ଅଟେ ସ୍ବୟଂ ବ୍ରହ୍ମ  କରୁ ଯେ ଜୁହାର ll 

      

ଜ୍ଞାନ ଚକ୍ଷୁ ମେଲି ଦିଏ  ହଟଇ ଅଜ୍ଞାନ 

ବିଦ୍ୟାବୁଦ୍ଧି ଜ୍ଞାନ ଶୁଦ୍ଧି  କରନ୍ତି ପ୍ରଦାନ ll

        

ବିଦ୍ୟା, ବୁଦ୍ଧି, ଜ୍ଞାନ ସିନ୍ଧୁ  ଶିକ୍ଷା ଗୁରୁ ସିଏ 

ଦୀପ ପରି ଜଳି ଜଳି  ଜ୍ଞାନାଲୋକ ଦିଏ ll 

          

ଅବଧୂତ ଗୁରୁ ଲଭି ସଂସାରେ ଯେ ଖ୍ଯାତ 

ଯାଠାରୁ ସେ ଯେଉଁ ଭାବେ  ଶିକ୍ଷା କଲେ ପ୍ରାପ୍ତ ll 

ଦୁନିଆରେ ଗୁରୁ ବିନା କାର୍ଯ୍ୟ ଯେ ଅଧୁରା 

ସୁଖ ଦୁଃଖ ବିପଦରେ ଗୁରୁ ଯେ ଆସରା ll 

ଭଲମନ୍ଦ ବିଚାରରେ ଗୁରୁ ବାକ୍ୟ ସାର 

ଅଜ୍ଞାନର ଅନ୍ଧ କୂପୁ କରନ୍ତି ଉଦ୍ଧାର ll 

ଗୁରୁ ସତ୍ୟ ଗୁରୁ ନିତ୍ୟ ଗୁରୁ ମହେଶ୍ଵର 

ପିତା ଗୁରୁ ମାତା ଗୁରୁ ଶିକ୍ଷା ଗୁରୁ ସାର ll 

       

ଯୁଗେ ଯୁଗେ ଗୁରୁ ଭକ୍ତି ସର୍ବାଗ୍ରେ ପୂଜିତ 

ଧର୍ମ, ନ୍ୟାୟ, ମୂର୍ତ୍ତିମନ୍ତ ସର୍ବଦା ବନ୍ଦିତ ll