ଗୁରୁ ଚାଲିଗଲେ

    ଗୁରୁ ଚାଲିଗଲେ ଆଖି ପିଛୁଳାକେ 

    ଗୁରୁ ପରମ୍ପରାର ସ୍ମାରକ ଧରି

    ଅନାଇ ରହିଛୁ ଆମେ ସବୁ ଏଠି

     ମନ କଥା ମନେ ମାରି l 

    କରିଗଲେ ସବୁ ଏକରେ ଅନେକ

      ନିଜର ମଣିଷ ପରି.  

   ସେଇ ଗୁଣ କର୍ମ ଝୁରେ ଏ ଆଧୁନିକ

     ଆସିଲାଣି ବେଳ ସରି

   ଦାର୍ଶନିକ ଠାରୁ ଜ୍ଞାନ ରୂପକ ଯାଏଁ

     ଦେଖାଇଲେ ନିଜେ କରି

   ଭେଦଭାବ ତାଙ୍କ ନଥିଲା ଅନ୍ତରେ

     ଅହିଂସା ଭାବ ଥିଲା ଭରି

   ଦେଇ ଉପଦେଶ ମିଳିମିଶି ଚାଲିବାକୁ

     ନିରିମଳ ହୃଦୟ ପରି.  

   ଦରଦି ସଖା ବୋଲି ଦୀନହୀନ ଭୁଲି

     ପରକୁ ଆପଣା କରି

   ସାଇତି ସଜାଇ ସେନେହ ଶରଧାକୁ

     ବାଣ୍ଟି ଦେଲେ ଆମ ମନେ

    ଜିଣି ନେବେ ବୋଲି ସଭିଁଙ୍କ ମନକୁ

     କହିଗଲେ କାନେ କାନେ

   ଅପର ଦୁଃଖରେ ସମ ଦୁଃଖୀ ହୋଇ

     କରିଥିଲେ ଦୁଃଖ ଭୋଗ 

    ତେଜି ସୁଖଶିରୀ ମାନ ଅଭିମାନ

     କରିଥିଲେ ସବୁ ତ୍ୟାଗ

    ସେ ଭୂମେ ଥାଇ ଜ୍ଞାନ ଢ଼ାଳୁଛନ୍ତି

      ଢ଼ାଳୁଥିବେ ନିରନ୍ତର

    ଛାତ୍ର ରାଇଜର ହୃଦୟରୁ ଆଜି

     କୋଟି କୋଟି ନମସ୍କାର l