ବସନ୍ତ ପଞ୍ଚମୀ ଆଜି

ବସନ୍ତ ପଞ୍ଚମୀ ଆଜି ଜଗତରେ ବାଜା l

ବିଦ୍ୟାର୍ଥୀ କରନ୍ତି ଜଗଜ୍ଜନନୀଙ୍କ ପୂଜା ll

ଘଣ୍ଟ, ଶଙ୍ଖ ନାଦେ ଧରା ପଡ଼ୁଛି ଉଚ୍ଛୁଳି l

ମଙ୍ଗଳମହୁରୀ ବାଜେ ପଡ଼େ ହୁଳହୁଳି ll

ବ୍ରହ୍ମମୟୀ ବ୍ରହ୍ମବାଦୀ ବୀଣା ହସ୍ତେ ଧରି l

ବ୍ରହ୍ମ ଲୋକୁ ଆସିଛନ୍ତି ଧରା ଅବତରୀ ll

ସନ୍ତାନମଙ୍ଗଳ ବାଞ୍ଛି ବିଦ୍ୟା ପ୍ରଦାୟିନୀ l

ଶୁଭ୍ରମରାଳ ମାଆଙ୍କ କରେ କଳଧ୍ଵନୀ ll

ଶାରଦେ ବରଦେ ମାତ ଶୁଭ୍ରପଦ୍ମାସନୀ l

କୁନ୍ଦେନ୍ଦୁ ହାର ଧବଳା ତୁଷାର ବରନୀ ll

ବେଦପ୍ରଦାୟିନୀ ମହାଦେବୀ ସରସ୍ଵତୀ l

ଭାରତବକ୍ଷେ ଅଛନ୍ତି ରୂପ ସ୍ରୋତସ୍ଵତୀ ll

ଜୟତୁ ଜୟତୁ ବିଦ୍ୟେ କମଳଲୋଚନୀ l

କବିଙ୍କଜନନୀ କାବ୍ୟକଳା ଠାକୁରାଣୀ ll

ଅଜ୍ଞ ବିଜ୍ଞ ହୁଏ ମାତ ତୋର ଦୟାବଳେ l

ନମ ବାଣୀ ଖିଳରାଣୀ ତୁଷାର ଧବଳେ ll

ବିଦ୍ୟା ବୁଦ୍ଧିହୀନ ଯନ୍ତ୍ରମନ୍ତ୍ର ମୁଁ ଜାଣେନା l

କିଭାବେ କରିବି ମାତା ତୁମ୍ଭ ନିରାଜନା ll

ପୁଷ୍ପାଞ୍ଜଳୀ ଦେଲି ମାତ୍ର ଧବକ ପୁଷ୍ପରେ l

ଦୟା ରଖିଥିବୁ ମାତେ ମୁଢ଼ ଅଜ୍ଞାନରେ ll