"ଦିଗନ୍ତର ଯାତ୍ରା ପଥେ"

ସେ ବାଟଭଙ୍ଗା ପଥିକ ମୋ ଦିଗନ୍ତର ଯାତ୍ରା ପଥେ,

ଭିଡ଼ ଭିତରୁ ପଛକୁ ଚାହିଁ ବାରମ୍ବାର ଦେଖେ ମୋତେ।

ନଭେ ବାଦଲ ପାହାଚ ଡେଇଁ

 ଆସୁଛି ଓହ୍ଲାଇ ସନ୍ଧ୍ୟା,

ଅଛି ବହୁଦୂର ଚାଲିବାର ମୋର

ଏ ଦିଗନ୍ତର ଯାତ୍ରା ପଥେ

ନଚାହିଁ ବି ବେଳେବେଳେ ରହିଯାଏ ପାଦ

କି ପାଇଁ ତୁ ବାରମ୍ବାର ଚାହୁଁ ମୋତେ ?

ହଁ ଏ ପଥେ ମୋର ନୂଆ ସକାଳର ଚିନ୍ତା,

ହେଲେ ତୁମର ଏ ନୀତି ପଥ ଓଗାଳିବା

ଭାରି ବ୍ୟଥା ଦିଏ ମୋତେ।

କେତେ ବନ ବହୁ ଉପବନ

ଅଛି କରିବାକୁ ଅତିକ୍ରମ,

ଏ ଯାତ୍ରା ପଥେ ବି ମିଳେ ବେଳେବେଳେ

ସତ ନାମରେ କିଛି ଭ୍ରମ।

ଚତୁର୍ଦ୍ଦିଗେ ସାଗର, ବିକଟାଳ ସମୀର ଗର୍ଜନ

ତା ସାଙ୍ଗକୁ ମୋର ଅସରନ୍ତି ସପନ,

ଆଖିର ପରିଧି ଯାଉଛି ଅତିକ୍ରମି

ଯାଏ ପଡ଼ି ବଳି ଏ ନିରିମାଖି ମନ।

ଅସରନ୍ତି ଭାବନାର ସୁଅ ଯାଏ ଭାସିଭାସି

ଚଞ୍ଚଳ ପ୍ରଭଞ୍ଜନ ତାଳେ ତାଳେ,

ମନର ଭୟ ଆସେ ମାଡ଼ି ମାଡ଼ି

ନିର୍ଣ୍ଣୟ ତାର କାଳବ ଳେ।