କେମିତି ସହୁଛି ତୁମରି ଛାତି

ଶୁଣରେ ଓଡ଼ିଆ

କରମ କୋଢିଆ

କେତେ ଦିନ ଆଉ ଚେଇଁ ଶୋଇବ?

ଛୁରୀକା ଚଲେଇ

ମାଆର ଛାତିରେ

କେତେ ଆଉ ପର ଗୁଣ ଗାଇବ??

ମାଆର ଥନକୁ

ମାରିକି ଗୋଇଠା

ମାଉସୀ କ୍ଷୀରକୁ କେତେ ପିଇବ??

ଓଡ଼ିଆ ହେଇକି

ଅଣଓଡ଼ିଆଙ୍କୁ

କେତେ ଦିନ ଯାଏ କାନ୍ଧେ ବୋହିବ??

ଜନମ ଭାଷା ଯେ

ଜୀବନର ଭାଷା

କେବେ ଆଉ ତୁମେ ହେଜ କରିବ

ମାଆ ସମ ଆମ

ମାତୃଭାଷା ଆଜି

ଶତୃ କବଳରୁ କେବେ ଫେରିବ?

ଜ୍ଞାନୀ ଗୁଣୀ ବୋଲି

ପ୍ରଚାରୁଛ ଆପେ

ନାହିଁ ତ ମମତା ମାତୃଭାଷାରେ

ଇଂରାଜୀ ଫସଲ 

ଚଷ ବାରମାସ

ଓଡ଼ିଆ ଭାଷାଟି କୋଣ ଠେସାରେ

କେତେ ଦିନ ଆଉ

ଶୋଇବ ଏମିତି

ଉଠରେ ଉଠରେ ଓଡ଼ିଆ ଜାତି

ମାତୃଭାଷା ଆଜି

ଦୁର୍ଦ୍ଦିନରେ ସଢ଼େ

କେମିତି ସହୁଛି ତୁମରି ଛାତି??