Library
Profile
ସ୍ବର୍ଗପୁର
ସ୍ବର୍ଗପୁର
1 min
193
ବସେ ଦେବ ସଭା ଅପରୂପ ଶୋଭା
ନାମ ପରା ସ୍ବର୍ଗପୁର
ସେହି ସ୍ବର୍ଗପୁର ଏ ବଡଦେଉଳ
ସର୍ବଦେବାଦେବୀ ଠୁଳ
ତୁମେ, ନ୍ୟାୟାଧୀଶ ନ୍ୟାୟପାଳ l
ରତ୍ନସିଂହାସନେ ବସିଛ ମଉନେ
ହେଲେ କର ସୁଵିଚାର
ବାଇଶି ପାହାଚ ଶିଡି ଖଞ୍ଜିଅଛ
ଯିବା ପାଇଁ ସ୍ବର୍ଗପୁର
ମେଘନାଦ ପରା ପ୍ରାଚୀରରେ ଘେରା
ସେହି ପୁଣ୍ୟ ଦରବାର ।
ଚାରି ଦିଗେ ଖୋଲି ଦୁଆରକୁ ଚାରି
ଚାହିଁଛ ନର ଅଧମେ
ଆକାଶର ପଥ ସେହି ବଟବୃକ୍ଷ
ଆସନ୍ତି ଦେବତା ମାନେ
ବ୍ରହ୍ମା ଶିବ ଇନ୍ଦ୍ର ଅନଳ ବରୁଣ
ନିତି ସଭାରେ ତୁମର ।
