Library
Profile
ଜୟ ମାଆ ମଙ୍ଗଳା
ଜୟ ମାଆ ମଙ୍ଗଳା
କାକଟପୁରବାସିନୀ ମାତା ମଙ୍ଗଳା
ଅପୂର୍ବ ମହିମା ତୁମ ବିଚିତ୍ର ଲୀଳା ।
ନାଲି ଝୀନ ବସନରେ କି ମନୋହର
ସତେ କି ଚପଳା ହାର କଣ୍ଠେ ତୁମର ।
ସିନ୍ଦୂର ବଦନୀ ମାଆଗୋ କଲ୍ୟାଣମୟୀ
ତ୍ରିଭୁବନ ରଖିଛ ମାଆ କାନି ଘୋଡେଇ ।
ମଥାରେ ମାଆ ମଥାମଣି ସୁନ୍ଦର ଶୋଭା
ନାସିକାରେ ବସଣି ମାଆ ଗଳାରେ ଜବା ।
ଆନିତମ୍ବ ମୁକ୍ତାକେଶ ଖେଳଇ ଦୋଳି
ସୁନୟନା ରୂପ ଦୃଶ୍ୟ ଭଳି କି ଭଳି ।
କର୍ଣ୍ଣ କୁଣ୍ଡଳେ ଖଚିତ ମଣି କାଞ୍ଚନ
ଲଲାଟେ ସିନ୍ଦୂର ବିନ୍ଦୁ ଭାସ୍କର ସମ ।
ହସ୍ତରେ କଙ୍କଣ ସଙ୍ଗେ ବାଜୁ ବଳୟ
ତନୁ ଆବରଣ ଯେହ୍ନେ ସ୍ୱର୍ଣ୍ଣ ଆଳୟ ।
ପୟର ନ
ୂପୁର ନାଦେ କମ୍ପେ ଜଗତ
କର ଯୋଡ଼ି ଡାକେ ମାଗୋ ରଖ ଭକତ ।
ଲହଲହ ଜିହ୍ୱା ବଳେ ପାପୀ ବିନାଶି
ତପିଙ୍କୁ ଉଦ୍ଧାର କର ଅବନୀ ଆସି ।
ଦଶ ଦିଗ ମାଡି ଅଛ ଆପଣା ବଳେ
ଖଣ୍ଡା ଖର୍ପରେ ଯାତ୍ରା ଗୋ ଚଳ ଚଞ୍ଚଳେ ।
ତୁମେ ଅମ୍ବା ମହାସତୀ ତୁମେ ଭବାନୀ
ଅଜ୍ଞାନ କି ପାରିବେ ମାଆ ଯଶ ବଖାଣି ।
କାହିଁ ନାରାୟଣୀ କାହିଁ ମାତା ବିରଜା
କାହିଁ ପୁଣି ସମଲେଇ ଗଉରୀ ସଜ୍ଜା ।
ମନ ହୃଦୟରୁ ଯେବେ ଭକ୍ତ ଚିନ୍ତଇ
ବେଦୀ ପୀଠ ତ୍ୟାଗ କରୁ ସନ୍ତାନ ପାଇଁ ।
କି ଗୁଣ ବର୍ଣ୍ଣିବି ମାତ ଅସୀମ କୀର୍ତ୍ତି
ରକ୍ଷାକର ଦୟାମୟୀ ଡାକେ ପ୍ରଭାତୀ ।
