ଗରୀବର ପରିଭାଷା

'ଗରିବ' ଏମିତି ଏକ ପରିଭାଷା ଟିଏ !!!

ନା ଅଛି ତାର ଇଜ୍ଜତ

ନା ମହତ,

ନା ମାନ ,

ନା ଅଛି ସନମାନ ।।

ଏହା ଏକ ନିଃଶବ୍ଦ ପ୍ରହାରଟିଏ

ଶକ୍ତ ତାଡନା ,

ଦାରୁଣ ଯନ୍ତ୍ରଣା ,

ଅସହ୍ଯ ବ୍ଯଥା ,

ଆଉ ଜର୍ଜରିତ ହୃଦୟର ବେଦନା ।।

କେବେ କେବେ ପୁଣି ଏହା

ବତାସର ହୁ ହୁ ଶବଦ ,

ବନ୍ଯାର ଘୋ ଘୋ ନିନାଦ ,

ଭୂ-କମ୍ପର ଛାତି ଥରା ପ୍ରମାଦ ,

ଆଉ ସମୁ୍ଦ୍ରର ଗୁରୁ ଗମ୍ଭୀର ନାଦ ।।

ଏହା ଏକ ଏମିତି ଶବ୍ଦ

ନା ଏ ଶବ୍ଦକୁ ନେଇ ବଞ୍ଚିହୁଏ ,

ନା ମରି ହୁଏ ,

କେବଳ ମଝି ଦରିଆର ଦିଗହରା ,

ନାବିକଟେ ପରି ଜିଇଁ ଜିଇଁ ମରିବାକୁ ହୁଏ ।।