Library
Profile
ଗର୍ବ ଓ ଅହଙ୍କାର ନିଶା
ଗର୍ବ ଓ ଅହଙ୍କାର ନିଶା
ଗର୍ବ ଓ ଅହଙ୍କାର ଏପରି ନିଶା ମନେ ରହିଲେ
ଦେଖା ଯାଏ ନାହିଁ ନିଜ ଦୋଷ ଦୁର୍ବଳତା
ଜିତିବା ଓ ହରାଇବା ଚିନ୍ତାଧାରାରେ ସେ ମଣିଷର
ମନ ପର ନିନ୍ଦାରେ ରହେ ସଦା ଅନୁଚିନ୍ତା । ୧।
ଚିନ୍ତା ରହିଲେ ମନରେ କିପରି ଧନ ଠୁଳ କରିବ
ମିଶାଣ ଫେଡାଣ ଗଣିତ ନୀତିକୁ ଧରି
ଭୁଲିବ ନିଶ୍ଚିତ ସତ୍ୟକୁ ଯେ ଶୂନରୁ ଆରମ୍ଭ ଶୂନରେ
ତ ଜୀବନ ଶେଷ ଜୀଵନଟା ଏହିପରି ।୨ ।
ଆପଣଙ୍କୁ କେହି କଟୁ କଥା କହିଥାନ୍ତେ ତେବେ
କିପରି ମନ ମଧ୍ୟରେ ହୋଇଥାନ୍ତା ଅନୁଭବ
କାହାକୁ କିଛି କହିବା ପୂର୍ବରୁ ସେହି ଅନୁଭବକୁ ରଖି
କେବଳ ମନର ଭାବନାକୁ ପ୍ରକାଶ କରିବ ।୩ ।
ସ୍ୱାର୍ଥେ ବନ୍ଧା ମଣିଷ ସତେ କି ଜାଣିବ ଏ ମାୟା
ସଂସାରେ ସର୍ବେ ମୋହିତ ଓ ମାୟାରେ ବନ୍ଧା
ସ୍ନେହ ମମତା ଭାବନା ଅଟେ ତ ସାଗର
ସେଥିରେ
ବୁଡିଲେ ଜୀବନେ ଆଣି ଦିଏ ମଧୁଛନ୍ଦା ।୪ ।
ଅଭିମାନ ନୁହେଁ ତ ସ୍ୱାଭିମାନ ସେଥିରେ ମିଛରେ
କରିବ ଗତି ସିନା ତାହା ମନେରଖ ମୂଲ୍ୟହୀନ
ଅଭିମାନ କଲେ କଅଣ ମିଳିବ ତାହା ତ ଦେଉ
ଥିବ ହୃଦୟରେ କୋହ ରହିବ ଅଶାନ୍ତ ମନ । ୫।
କହୁ ପଛେ ନିଜକୁ କଠୋରପନ୍ଥୀ ହିନ୍ଦୁ ନାହିଁ ତାର
ସର୍ବେ ଭବନ୍ତୁ ସୁଖିନଃ ସର୍ବେ ସନ୍ତୁ ନିରାମୟାଃ
ଆସିବନି କେବେ ଭାବନା ସର୍ବେ ଭଦ୍ରାଣି ପଶ୍ୟନ୍ତୁ
ମା କଶ୍ଚିଦ୍ ଦୁଃଖ ଭାଗଭବେତ୍ ।୬ ।
କରୁ ଯେତେ ଦିନରାତି ଓଁ ଶାନ୍ତିଃ ଶାନ୍ତିଃ ଶାନ୍ତିଃ
ଶାନ୍ତିଃ ଉଚ୍ଚ ସ୍ୱରେ ମନ୍ଦିର ଭିତରେ ଗାନ
ମନ ତ ବିଗିଡ଼ିଛି ରାମ ରାଜ୍ୟ କଥା କହୁ ଥାଉ
ସୁଧୁରିବ କି ସେ ମଣିଷର ସ୍ୱଭାବ ଓ ଗୁଣ । ୭।
