ଗୋଲାପ
ଗୋଲାପ
ପ୍ରେମ ର ପ୍ରତୀକ ସାଜି
କବି ର କଳ୍ପନା ରେ
ନବ ବଧୂ ତୁ ' ସାଜୁ ।
ଦୂର ଆକାଶର ଚଢ଼େଇ ଟେ
ଯେତେବେଳେ ନୂଆ ନୂଆ ପ୍ରେମ ରେ ପଡ଼େ
ତୁ ତା ସ୍ବପ୍ନ ରେ ଆସୁ ,
ଗୁଲୁରୁ ଗୁଲୁରୁ କଥା କହୁ
ପ୍ରେମ ର ଫର୍ମୂଲା ସିଖଉ ।
ହେଲେ କହିଲୁନି କେବେ
ତୁ କାହା ପ୍ରେମେ ପଡ଼ିନୁ କେବେ ?
କହିଦେ ଆଜି
ତୋ ମନ କଥା ଖୋଲି ।
ଦୁଷ୍ଟ ଭ୍ରମର
ତୋ ପ୍ରେମେ ପାଗଳ
ବୁଝି କି ପାରୁନୁ ତା ମନ ବ୍ୟଥା ।
ସଭିଙ୍କ ମନର ରାଣୀ
କାହିଁକି ପିନ୍ଧିଛୁ ଲାଜର ଓଢ଼ଣୀ ।
ଜହ୍ନ ଦେଖି ତତେ ହସୁଛି ଖିଲି ଖିଲି
ବୋଧେ ସେ ତୋ ପ୍ରେମ ରେ ପଡ଼ିଛି !
ଆଉ କେହି ତତେ ତୋଳି ନେବା ଆଗରୁ
କି 'ଶୁଖିକି ଝଡ଼ିବା ଆଗରୁ ,
କହିଦେ ତୋ ମନ କଥା ଖୋଲି ।
ପରୀ ରାଇଜ ର ପରୀ ଟେ ଆସିଛି ଓହ୍ଲେଇ
କହୁଛି ଗଭା ରେ ଦବ ତତେ ଖୋସି ।
ଯା ଗୋଲାପ
ଦଉଛି ମୁଁ ବିଦାୟ ।
ପରୀ ସାଙ୍ଗେ ଯା ତୁ
ପରୀ ରାଇଜ,
ପ୍ରେମ ର ପୂଜାରିଣୀ ଟିଏ ହୋଇ ।