ଗୋଲାପ ରାଣୀ
ଗୋଲାପ ରାଣୀ
କୋମଳ ଗୋଲାପ ପାଖୁଡା ତୋ ଦେହ
ଗୋଲାପ କି ତୁମକୁ ଲୋଡା,
ମୋ ହୃଦ ବଗିଚାରେ ପାରିଜାତ ତୁମେ
କିଛି ଲୋଡା ନାହିଁ ତୁମ ଛଡା
ଓଠ ତୁମ ଗୋଲାପୀ ଗାଲ ବି ଗୋଲାପୀ
ଦେହ ତ ତୁମରୀ ଗୋଲାପୀ,
ହେ ଗୋଲାପୀ ମୋର ହୃଦୟ ସଂଗରେ
ପରାଣ ବି ଦେଇଛି ସଅଁପି
ଗୋଲାପୀ ଦେହରେ ଗୋଲାପୀ ଶାଢୀ
ଦେହେ ହୋଇଗଲେ ଲେସି,
କଳା ଭଅଁର ମୁଁ ତୁମ ଚେହେରା ଦେଖି
ଆଖି ମୋର ଯାଏ ଲାଖି
ଫିକାଫିକା ମୋର ଜୀବନରେ ଆସି
ରଂଗ ଦିଅ ତୁମେ ଟାଣି,
ନିଜର କରି ନିଅ ମୋତେ ଥରେ
ହେ ମୋର ଗୋଲାପରାଣୀ