ସୁନା ଭଉଣୀ

ଜହ୍ନ ତୋଳିଦେବି ତାରା ତୋଳିଦେବି

ତୋଳିଦେବି ମୋତି ଘର,

ସୁନା ଭଉଣୀ ଲୋ ଖୋଜୁଛି ତୋ ଭାଇ

ଥରେ ପାଖକୁ ଆଲୋ ମୋର ।

ରାକ୍ଷୀର ପାଉଣା ମୁଁ ରଖିଛି ସାଇତି

ଯାହା ମାଗିବୁ ତୁ ଦେବି,

ବାଜିବାକୁ ଖର‍ା ଦେବିନି ତୋ ଦେହେ

ଛାଇ ପରି ପାଖେ ଥିବି ।

ପୁଣିଥରେ ଆମେ ଭିଜିବା ଆ'ଲୋ 

ଝିପିଝିପି ବରଷାରେ,

ବାପା ବୋଉଙ୍କଠୁ ଲୁଚି ଭସେଇବା ଡଙ୍ଗା

ଦାଣ୍ଡର ବରଷା ଧାରେ । 

ତୋଳିଦେବି କୋଳି କରିବିନି କଳି

ଦେବି ନାହିଁ କେବେ ଗାଳି,

ସୁନା ଭଉଣୀ ମୋ କେଉଁଠି ରହିଛୁ 

ଆ' ମୋ ପାଖକୁ ଚାଲି ।