କେବେ ଆସିବ ମୋ ପ୍ରିୟା
କେବେ ଆସିବ ମୋ ପ୍ରିୟା
1 min
137
ପ୍ରିୟା ପାଇଁ ମୋର ଲାଲ୍ ଅଳତା
ଆଣିବି ସୁର୍ଯ୍ୟରୁ ମାଗି,
ତାରାଠୁ ଆଣିବି ରୂପା ପାଉଁଜି
ଖାସ୍ ତାଆରି ଲାଗି
ଆଣିବି ତା'ପାଇଁ ଲାଲ୍ ଗୋଲାପ
କଣ୍ଟାର ଆଘାତ ସହି,
ଜହ୍ନ ରାଇଜରୁ ଆଣିବି ଟିକିଲି
ଗଲେ ଯିବ ଲହୁ ବୋହି
ମେଘରୁ ଆଣିବି କଳା କଜ୍ଜ୍ବଳ
ପ୍ରିୟାର ଆଖିପାଇଁ,
ପ୍ରିୟା ହାତ ପାଇଁ କଙ୍କଣ ଖୋଜିବି
ଡେଇଁ ହଜାରେ ନଈ
ତା'ପାଇଁ ସବୁ ଯୋଗାଡି ରଖିବି
ହେଲେ ପ୍ରିୟା ଅଛି କାହିଁ ,
କେବେସେ ଆସିବ ମୋହରି ପାଖକୁ
ରହିଛି ତା'ବାଟ ଚାହିଁ