ଲାଇବ୍ରେରୀ
ପ୍ରୋଫାଇଲ୍
ଆସ ଏଇ ଫଗୁଣରେ
ଆସ ଏଇ ଫଗୁଣରେ
1 min
166
ଦେଖୁଛି ଦର୍ପଣ ଦିଶୁନି ମୋ ମୁହଁ
ତୁମ ମୁହଁ ଖାଲି ଦିଶେ,
ଯେତିକି ଯେତିକି ଦୂରକୁ ମୁଁ ଗଲେ
ଛାଇ ପରି ଥାଅ ପାଶେ
ଛୁଇଁବି ବୋଲି ତୁମ ଛାଇ ଥରେ
ହାତ ମୁଁ ବଢେଇ ଦେଲେ,
ଦୂରେଇ ଯାଏ ତୁମ ସେ ଚେହେରା
ଝଡ ଆସେ ଛାତି ତଳେ
ଆସ ପୁଣି ତୁମେ ସପନ ହେଇକି
ରାତିର ନିର୍ଜନ ବେଳେ,
ଧରାଦିଅ ତୁମେ ମୋ ବାହୁ ବଂଧନେ
କଥା କହି ଲାଡେ ଗେଲେ
ସପନେ ଆସୁଛ ସତରେ ଆସୁନ
ଆସଥରେ ବାସ୍ତବରେ,
ପଳାଶ ଫୁଲରେ ବେଶ କରି ଦେବି
ଆସ ଏଇ ଫଗୁଣରେ
