ଗଜବଦନ ଗଣନାଥ

ଗିରିଜାନନ୍ଦନ, ଏକଦନ୍ତ, ଲମ୍ବୋଦର!

ଗଜାନନ, ବକ୍ରତୁଣ୍ଡ ପୃଥ୍ବୀକୁ ଉଦ୍ଧର;

   ଗଣଗ୍ରଣୀ, ବିଘ୍ନେଶ୍ବର!

ଗଣାଧିପତି ହେ ଘେନ ଆବାହନ ମୋର।

ଗିରିଶୃଙ୍ଗ,ବିଘ୍ନବିନାୟକ,ଏକଦ୍ରଂଷ୍ଟ

ଗଣକର୍ତ୍ତା, ପର୍ଶୁପାଣି ହୁଅ ହେ ପ୍ରକଟ;

   ଗଜବକ୍ତ, ଲମ୍ବକର୍ଣ୍ଣ !

ଗଣଦେବ, କଟଙ୍କଟ, ମୂଷିକବାହନ।

ଗଣପତି, ଅମ୍ବିକେୟ, ହେ ବିଘ୍ନନାଶନ!

ଗଣନାଥ, ଭାଲଚନ୍ଦ୍ର ଘେନ ମୋ ପ୍ରଣାମ;

    ଗୁଣ ବିଦ୍ଯାରେ ମୁଁ ନ୍ଯୂନ,

ଗୌରୀସୂତ! ଜ୍ଞାନ ଭିକ୍ଷା କରେ ଅକିଞ୍ଚନ।

ଗଣନପତି! ସର୍ବାଗ୍ରେ ତୁମ୍ଭ ପୂଜାବିଧି,

ଗର୍ବ, ଦମ୍ଭ, ଅହଂକାର ତେଜି ମନ୍ଦବୁଦ୍ଧି;

    ଗଙ୍ଗା ଜଳେ ଅରଚନା

ଗଭୀର ଶ୍ରଦ୍ଧା, ଭକ୍ତିରେ କରେ ଆରାଧନା।

ଗୌରୀଜ, ବାରଣଶିର ଆହେ ଗଣାଧିପ,

ଗଳଗ୍ରହ ସଦୃଶ ଏ କରୋନା ପ୍ରକୋପ;

    ଗଣେଶ୍ବର ନାଶି ତାକୁ

ଗୃହବନ୍ଦୀ ଅବସ୍ଥାରୁ ଉଦ୍ଧର ଆମ୍ଭକୁ।

ଗଜବଦନ,ଦ୍ବିଦେହ ହେ ପରଶୁଧର!

ଗର୍ହିତ ଅପରାଧ ଯା' ଥିଲେ କ୍ଷମା କର;

     ଗଣପ ! ତୁମ୍ଭଙ୍କୁ ଧ୍ଯାନ

ଗ୍ରହ ଦୋଷ ଦୂର କରି ଦିଅ ଦିବ୍ଯଜ୍ଞାନ ।