ଗଜ ଉଦ୍ଧାରଣ ବେଶ

 ଗଜ ଉଦ୍ଧାରଣ ତୁମେ କରିଥିଲ ହରି

 ଆସିଥିଲ ଚତୁର୍ଭୁଜ ରୂପକୁ ଧରି

ମାଘ ପୂର୍ଣିମାରେ ତୁମ ଏ ବେଶ ହୋଇଲା

ଗଜରାଜ ତୁମକୁ ଡାକ ଦେଇଥିଲା

କୁମ୍ଭୀର ଯେବେ ଗଜ ପାଦ ଧରିଲା

ଅନ୍ତରୁ ଗଜ ରାଜ ତୁମକୁ ଭଜିଲା।

ଭକ୍ତ ପାଇଁ ତୁମେ ନିଜ ଧାମ ଛାଡି

        ଆସିଥିଲ ତୁମେ ନକରି ଡେରି

କୁମ୍ଭୀର ମସ୍ତକ ତୁମେ ହିଁ କାଟିଲ

         ହାତେ ତୁମର ଚକ୍ରକୁ ଧରି।

ଯେବେ ଗଜରାଜ ତୁମ ଧାମେ ଗଲା

ସେଇ କୁମ୍ଭୀରକୁ ତୁମ ପାଖରେ ଦେଖିଲା

କୁମ୍ଭୀରକୁ ଦେଖି ଭୟଭୀତ ହେଲା

ଭୟ ଛାଡ଼ କୁମ୍ଭୀର ଗଜକୁ କହିଲା।

ତୁମେ ଗଜରାଜ ଭକ୍ତ ମୁହିଁ ଜାଣିଥିଲି

      ତୁମ ପାଦକୁ ଜଳେ ଥିଲି ଧରି

ତୁମ ଆଗରୁ ମୁହିଁ ଭବରୁ ତରିଲି

        ହରି କରିଲେ ମୋତେ ପାରି।