Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sangram Moharana

Inspirational

3  

Sangram Moharana

Inspirational

ଘୁଙ୍ଗୁର

ଘୁଙ୍ଗୁର

1 min
282



କାଳିଆ ହସୁଛି ମୁରୁକି ମୁରୁକି

  ମନେ ପଡେ ଗୋପ କଥା

 ରାଧା ମାଗିଥିଲା ସୁନାର ତାଟକ

   ନୁଆଇଁ ନିଜର ମଥା ।


ରାତି ଅଧଟାରେ ବଡଦାଣ୍ଡ ଧାରେ

   ଶୁଭିଲା ନୂପୁର ଛନ୍ଦ

ନିଦ ବାଉଳାରେ ମହାପ୍ରଭୁୁ ନିଜେ

  ପତ୍ନୀ ସହ କଲେ ବାଦ ।


ଜାଣି ସିଆଣିଆ ଗୋପାଳ ବଲ୍ଲଭ

  ଧାଇଁଗଲେ ବଡଦାଣ୍ଡେ

ମାଳିନି ନଦୀ ଠୁ କିଛି କୋଷ ଦୂରେ

  ପାଇଲେ ଘୁଙ୍ଗୁର ଖଣ୍ଡେ ।


ଏଠି ସେଠି ଚାହିଁ ଦେଖିଲେ ଦୂରକୁ

   ସ୍ୱର ଶବ୍ଦ କିଛି ନାହିଁ

ଶୁଭୁଥିଲା ପୁଣି ନୂପୁର ର ଛନ୍ଦ

  ଏମିତି ବା ହେବ କାହିଁ ।


ଘୁଙ୍ଗୁର ଉଠେଇ ଅଣ୍ଟିରେ ପୁରେଇ

   ସିଂହ ଦ୍ୱାର ଆଡେ ଗଲେ

ପାଦ ଦଉ ଦଉ କାହା ଡାକ ଶୁଣି

   ପଛକୁ ଚାହିଁ ଦେଖିଲେ ।


ପାଗଳ ପୁରୁଷ ନର୍ତ୍ତକୀ ବେଶରେ

  କହିଲା ହେ ମହାବାହୁ

ମୋର ପ୍ରେମ କଣ ଏଡେ ବେଦରଦି

   ବୁଝ ନାହିଁ ତୁମେ କାହୁଁ ।


ଘଣ୍ଟା ଘଣ୍ଟା ଧରି ନୃତ୍ୟ ମୁଁ କରିଲି

   ଶୁଭିଲାନି ପାଦଶବ୍ଦ

ପଟିଏ ଘୁଙ୍ଗୁର ଗଡେଇ ମୁଁ ଦେଲି

   ନିଦ ହେଲା ତୁମ ସ୍ତବ୍ଧ ।


କହିଲେ ଗୋସାଇଁ ତା ମୁହଁକୁ ଚାହିଁ

  ଆସିଲାଣି ଦେଖ ମେଘ

ନାଚିବା ପାଇଁ କି ଶବ୍ଦ ଲୋଡା ନାହିଁ

  ମନରେ ଥିଲେ ସରାଗ ।


ଆକାଶରେ କଳା ଘୁମର ଢାଙ୍କିଲେ

  ମନେ ପଡେ କୁଞ୍ଜ ବନ

 ପୁଣି କେତେବେଳେ ବରଷା ଢାଳିଲେ

   ନାଚି ଉଠେ ଗୋପ ମନ ।


କେଜାଣି କାହିଁକି ବଇଁଶୀ ମୋହର

  ଲାଗିଯାଏ ଅଧରରେ

ସ୍ୱର ଶୁଣି ରାଧା ପାଗଳିନି ହୋଇ

  ପହଁଞ୍ଚି ଯାଏ କୁଞ୍ଜରେ ।


ପାଦରେ ତାହାର ବାନ୍ଧେ ସେ ନୂପୁର

   ମନେ ପ୍ରେମ ଦିଏ ଭରି

ନୂପୁର ରୁ ଯଦି ଘୁଙ୍ଗୁର ଛିିଡିଲା

  ମନ ମୋର ଯାଏ ଥରି ।


ସତେକି ରାଧିକା ହୋଇଲେ ପାଗିଳି

  ବଂଶୀ ସ୍ୱର ତାଳେ ତାଳେ

 ମନଭରି ପ୍ରେମ ଓଜାଡି ଦିଅନ୍ତି

  ଯମୁନା ନଦୀର କୁଳେ ।


କଥା ରେ କଥା ରେ କେତେ ଯେ ପୀରତି

   କହିଗଲେ ପ୍ରଭୁମୋର

ନୂପୁର ର ଲିଳା ଶୁଣିବାକୁ ଟିକେ

   ହୋଇଥିଲି ଯେ ତତ୍ପର ।


ହସି ହସି ପ୍ରଭୁ ଫେରୁଛି ମନ୍ଦିର

   ଲୁଚେଇ ଆଖିରେ ଲୁହ

ମନେ ପଡେ ରାଧା ପୀରତି କାହାଣୀ

   ଛାଡିନି ଘୁଙ୍ଗୁର ମୋହ ।



Rate this content
Log in