ବେରଙ୍ଗୀ ବାଦଲ
ବେରଙ୍ଗୀ ବାଦଲ
ଆଦିଗନ୍ତ ବ୍ୟାପ୍ତ ଏ ଆକାଶରେ
ପୁଣି ଘୋଟିଲାଣି କଳା ବଉଦ,
ସତରେ କଣ ସେ କଳା !
ନା ତମାମ ଦିନ ଆଲୋକରେ
ମାଗି ଆଣି ବୋଳି ହେଇଥିବା ରଙ୍ଗରେ ସେ ଧଳା..?
ମେଘାଛନ୍ନ ଅନ୍ଧାର ର ବେଳ,
ସରି ଆସିଲାଣି
ଖରା ,ତାତି,ଧୂଳି,ମାଟି ର
ଲୁଚକାଳୀ ଆଉ ବୋହୂଚୋରୀ ଖେଳ,
ଭୟର ଆଶଙ୍କାରେ ବଢିଲାଣି ବେଗ
ତେଣୁ ହେ ସମୟ,
ତୁ ଯା,ଯା ପଳା..
ଆତ୍ମଗୋପନେ ଏବେ ନିଜକୁ ସମ୍ଭାଳ ...|
ଏକାକୀ ନୀରବ,ଅସ୍ଥିର ମନ
ଯଦି ହୁଏ ଶୂନ୍ୟ ମସ୍ତିଷ୍କ,
ତେବେ ବିସ୍ତୀର୍ଣ୍ଣ ଆକାଶରେ
ବାଦଲ ବି ଚଳ ଚଞ୍ଚଳ,
ଯଦି ସଜ୍ଞା ନିରୂପଣ ଠିକ୍ ଥାଏ
ତେବେ ସେ ବି କଣ
ପାଗଳାମିର କାରଣ ନା,
ପାଗଳର ଏକ ଉଦାହରଣ..|
ଆଞ୍ଜୁଳାଏ ପାଣିରେ ନିଦ ଭାଙ୍ଗେ,
ଆଖି ଖୋଲେ,
ସକାଳ ହୁଏ,
ମୁନ୍ଦାଏ ପାଣିରେ ତୃଷ୍ଣା ମେଣ୍ଟେ
ଆଉ ବୁନ୍ଦାଏ ର ଇଶ୍ୱର ସନ୍ତୁଷ୍ଚ
ତଥାପି ଆକାଶର ଗର୍ଜ୍ଜନରେ
ବାଦଲ ନିଜର ରକ୍ତ ଢାଳେ
ହୋଲି ଖେଳେ ...|
ଏବେ କୁହତ ,
ସତରେ କଣ ସେ ପାଗଳ !
ନା ,ନିଜର ଜଳିବା ଭୟରେ
କେହି ଜଣେ ତାକୁ ଜାଳେ....|
ଆଉ ସେ ବାହୁ ମେଲି ଜଳିଯାଏ
ବିଜୁଳିର ଚମକ ନିଆଁରେ...|