ଘୋଷଯାତ୍ରା

ଆସିଲେ ଆଷାଢ଼ ଶୁକଳ ଦ୍ୱିତୀୟା

ରଥ ହୁଏ ସଜବାଜ

ନବଦିନାତ୍ମକ ଦଶଅବତାର

ମହାବେଦୀ ମହୋତ୍ସବ

ପତିତପାବନ ଯାତ

ଉତ୍ତରାଭିମୁଖୀ ପ୍ରସିଦ୍ଧ ଆଡପ

ଘୋଷଯାତ୍ରା ନାମ ଖ୍ୟାତ ।

ରକ୍ତ ନୀଳ ବର୍ଣ୍ଣ ତାଳଧ୍ଵଜ ରଥ

ବିଜେ ପ୍ରଭୁ ରାମ କୃଷ୍ଣ

ରଥର ଦଉଡି ଅଟଇ ବାସୁକୀ

ଆୟୂଧ ହଳମୂଷଳ

ଶୁକ ଶ୍ରଦ୍ଧା ଓ ବିଶ୍ୱାସ

ଚଉଦ ଚକର ଲଙ୍ଗଳଧ୍ୱଜର

ସନ୍ଦର୍ଶନେ ବିଘ୍ନ ନାଶ ।

କୃଷ୍ଣ ଓ ଲୋହିତ ଦରପ ଦଳନ

ସାରଥି ଅଟେ ଅର୍ଜୁନ

ବିଜେ ମା ସୁଭଦ୍ରା ଚକ୍ର ସୁଦର୍ଶନ

ଆୟୂଧ ପଦ୍ମ କହ୍ନାର

ରଥ ଶୁକ ଦ୍ୱିସୁପର୍ଣ

ବାର ଚକ ରଥ ସୁଭଦ୍ରା ମାତାଙ୍କ

ଅଟଇ ଦେବଦଳନ ।

ପୀତ ଓ ଲୋହିତ ବର୍ଣ୍ଣ ନନ୍ଦିଘୋଷ

ବାମନ ମଧୁସୂଦନ

ରଥର ସାରଥି ଅଟନ୍ତି ଦାରୁକ

ଧ୍ୱଜାଧାରୀ ହନୁମାନ

ଜୀବ ଓ ପରମ ଶୁକ

ତ୍ରୈଲୋକମୋହିନୀ ନେତ ଫରଫର

ରଥର ଷୋହଳ ଚକ ।

ଅଷ୍ଟାଙ୍ଗ ବିଧିରେ ସ୍ନାନ ଅଣସର

ନବଯୈ।ବନ ଦର୍ଶନ

ଗୁଣ୍ଡିଚା ମଣ୍ଡପେ ନବଗ୍ରହ ରୂପେ

ହୁଏ ଦିବ୍ୟ ପୂଜାର୍ଚ୍ଚନ

ଉତ୍ସବ ହେରାପଞ୍ଚକ

ବାହୁଡା ବିଜୟ ରଥେ ସୁନାବେଶ

ନିଳାଦ୍ରି ବିଜୟ ପର୍ବ ।

ରଥ ଯାଆ ଗଡି ଚକ ଯାଆ ଗଡି

ଯାଆ ଶ୍ରୀ ଗୁଣ୍ଡିଚା ଗୁଡି

ଚତୁର୍ଦ୍ଧାମୂରତି ଚଉବର୍ଗ ସିଦ୍ଧି

ପହଣ୍ଡି ଗୋଟି ଓ ଧାଡି

ହଲାଇ ଫୁଲ ଟାହିଆ

ସାତପାହାଚରୁ ଆସ ହଲିଝୁଲି

ସାଆନ୍ତ ଜଗା ବଳିଆ ।