ଗଛଲତା ଆମ ମିତ

ମିତ ଆମର  କେତେ ସୁନ୍ଦର 

   ସବୁଜ ଗଛଲତା

କରଇ ସଦା   ହିତ ସାଧନ

   ସେ ଆମ ଅନ୍ନଦାତା ।

ଯୋଗାଇ ଥାଏ   ଖାଦ୍ଯ ଓ ବସ୍ତ୍ର 

     ସୁସ୍ବାଦୁ ଫଳମୂଳ

ବଞ୍ଚାଏ ପ୍ରାଣ   ଔଷଧି ତତ୍ତ୍ବ 

    ଉଦ୍ଭିଦେ ଭରପୂର ।

ପନିପରିବା   ସବୁଜ ପତ୍ରେ

    ରହିଛି ଜୀବନିକା

ଖାଇଲେ ଆମେ  ସୁଷମ ଖାଦ୍ଯ 

    ପଶେନି ମନେ ଦକା ।

ଦୂଷିତ ବାୟୂ   ଶୋଷଣ କରି

     ଦିଏ ସେ ଅମ୍ଳଜାନ 

ବଞ୍ଚୁଛୁ ଆମେ  ପ୍ରଶ୍ବାସେ ନେଇ 

    ବିଶୁଦ୍ଧ ତାହା ପ୍ରାଣ ।

ଧରେ ଜାବୁଡି   ମାଟିକୁ ଭିଡି

     ଗଛର ଚେରମୂଳ

ଯାଏନା ଧୋଇ   ଉର୍ବର ମାଟି

     ଫସଲ ହୁଏ ଭଲ ।

ଜାଣିଛି ସିଏ   କାଉଁରୀ ମନ୍ତ୍ର 

     ଆକର୍ଷେ ବାଦଲକୁ

ଝରେ ଆକାଶୁ  ବରଷା ଟୋପା 

    ଭିଜାଏ ପୃଥିବୀକୁ ।

ଗଛ ଆମକୁ   ଦିଅଇ ଛାୟା

    କରଇ ଉପକାର 

ଲଗାଇ ଗଛ   ଯତନ ନେବା

   ସେଚିବା ମୂଳେ ଜଳ ।

       ------