କରୋନା କୁ ବିଦାୟ ଦିଅ

ନିଶଃଦ୍ଦରେ ଆଜି ଶୋଇଛି ସହର

ଶୁଭୁନାହିଁ କୋଳାହଳ

ବାଉନ ବଜାର ତେପନ ଗଳିରେ

ଖାଲି ଯାହା ଦିଶେ ବୁଲା ଗାଈଗୋରୁ

ଶଣ୍ଢ କୁକୁର ଙ୍କ ମେଳ ।

ଶୁଭୁନାହିଁ ଆଜି ମୋ ସହର ରାସ୍ତାରେ

ଗାଡି ମଟର ର କେଁ କଟର ଶଦ୍ଦ

ଖାଲି ଯାହା ଶୁଭେ ପୋଲିସ ବାବୁଙ୍କ

ହୁଇସିଲ୍ ଆଉ ଗାଡିର ସାଇରନ୍ ଶଦ୍ଦ ।

ମନେ ପଡେ ଆଜି ଆଈ ମାଆ କାହାଣୀ

ଶୋଇ ପଡ ଧନ ଆସୁଛି ଅନ୍ଧାର

ଭୈରବ ଆସିବ ମାଡି

ଡାକ ଦେବ ସିଏ କର୍କଷ ସ୍ୱରରେ

ପଡିଯିବ ତାଟି ବାଡି ।

ଦେଖ ବନ୍ଧୁଆଜି କରୋନା କବଳେ

ଏ ସାରା ବିଶ୍ୱ ଟା

ହେଉ ଅଛି କଲ ବଲ

ଚନ୍ଦ୍ର ପୃଷ୍ଠରେ ପାଦଥାପି ଆମେ

ଯୋଉ ଖୁସି ମନାଉଛେ 

ସାମାନ୍ୟ ଭୂତାଣୁ ଆଗରେ ତାହାର

କିଛି ବି ନାହିଁ ତ ମୂଲ୍ୟ ??

ଡାକ୍ତର ପୋଲିସ ଈଶ୍ୱର ଆଜି

ଏ ସାରା ବ୍ରହ୍ମାଣ୍ଡ ପାଇଁ

ତାଙ୍କ ପରିଶ୍ରମ ଦେଖୁଛି ଜଗତ

ଯୋଦ୍ଧା ସେ ଆଜି

ଏ ବିଶ୍ୱ ମାନବ ପାଇଁ ।

ଯେଉଁଠି ପହଞ୍ଚି ପାରିବନି ରବି

ସେଠି ପହଞ୍ଚି ପାରିବ କବି

ହେ ମୋର କବି ବନ୍ଧୁ କଲମ ମୁନରେ

ସଚେତନତା ଭରି ଦେଖାଅ ତାହାର ଛବି ।

ଡରିବାର ବେଳ ନୁହେଁ ଏ ବନ୍ଧୁ

ଏଯେ ସଚେତନ ବେଳ

ଲେଖନୀ ମୁନରେ ଭରିଦିଅ ତୁମ

ସଚେତନ ତାର ବଳ ।

ହାତ ଧୁଅ ଆଉ ମୁଖକୁ ଘୋଡାଅ

ଦୂରେ ରହି କଥା ହୁଅ

ଯଥା ସମ୍ଭବ ଘରେ ରୁହ ବନ୍ଧୁ

କରୋନାକୁ ବିଦାୟ ଦିଅ ।