ଅନ୍ଧ କୁସଂସ୍କାର
ଅନ୍ଧ କୁସଂସ୍କାର
ଦିନେ ଏ ଦୁନିଆ ଚଳୁଥିଲା ସତେ
ଅନ୍ଧ କୁସଂସ୍କାର ପଥେ
ଶିକ୍ଷାର ଆଲୋକ ଯିବେ ଦେଖାଦେଲା
ଏସବୁ ହଟିଲା ସତେ ll 1
ନାରୀ ନିର୍ଯ୍ୟାତନା ବାଳୁତ ବିବାହ
ବିଧବା ବିବାହ ପ୍ରଥା
ନାରୀ ଶିକ୍ଷା ଅବା ପ୍ରୌଢ ଶିକ୍ଷା ହେଉ
ହେଉ ସତୀ ଦାହ ପ୍ରଥା ll 2
ଗଲାଣି ଦୂରେଇ ବଳି ପ୍ରଥା ପୁଣି
ଛୁଆଁ ଅଛୁଆଁର ଭେଦ
ଜାତି ପ୍ରଥା ନାହିଁ ନାହିଁ ଉଚ୍ଚନୀଚ
ନାହିଁ ନିନ୍ଦା ଅପବାଦ ll 3
କାଳିଆ ବିଲେଇ ବାଟ ଓଗାଳିବା
ଡାକିଲେ ପଛରୁ କିଏ
ଝଡା ଫୁଙ୍କା ରୋଗ ଗୁଣିଆ ଔଷଧ
ଏ କଥା ନ ଧରେ କିଏ ll 4
ସ୍ବାଧୀନ ଭାରତେ ସର୍ବେ ନାଗରିକ
ଅଧିକାର ଅଛି ଲେଖା
କହିବା, ବଞ୍ଚିବା ସ୍ବାଧୀନ ଭାବରେ
କେହି ନ ଦିଅଇ ଧକ୍କା ll 5
ବିଜ୍ଞାନ ଯୁଗରେ ଅନ୍ଧ କୁସଂସ୍କାର
ଦେଲାଣି ସବୁ ଲିଭାଇ
ଶିକ୍ଷାର ଆଲୋକ ଜଳୁଥିବା ଯାଏ
ଏସବୁ ଯିବ ଦୂରେଇ ll 6