ଲାଇବ୍ରେରୀ
ପ୍ରୋଫାଇଲ୍
ଏଇ ଏବେ ଏବେ
ଏଇ ଏବେ ଏବେ
1 min
310
ଏଇ ଏବେ ଏବେ
କେତେ ଶ୍ରାବଣ ତୁମ ଗାଁ
ନଈ ଛାତିରେ ଶୋଇଗଲେ
ଏଇ ଏବେ ଏବେ
କେତେ ବୈଶାଖ ତମ ଘର
ଅଗଣା ବୁଢ଼ା ବାରମାସୀ ଦେହରେ
ବସା ବାନ୍ଧିଲେ
ଏଇ ଏବେ ଏବେ
କେତେ ସ୍ୱପ୍ନ ତୁମ ପାଦ ତଳେ
ଫୁଲ ହେଇ ମକଚି ଯାଉଥିଲେ
ଏଇ ଏବେ ଏବେ
କେତେ ଝରକା ଦେଇ
ଆଶା ର ଧୂଳି ଆଉ ଧୂଆଁ
ଚେଇଁ ଉଠୁଥିଲେ
ଏଇ ଏବେ ଏବେ
କେତେ ସାହସ ଡେଉଁରିଆ ହେଇ
କହୁଣୀ କାନ୍ଥରେ ସଜେଇ ହେଉଥିଲେ
ଏଇ ଏବେ ଏବେ
କେତେ ରକ୍ତ ମନ୍ଦିର ବାହାରେ
ଠିଆ ହେଇ ସିଞ୍ଚାଜଳ କୁ ଚାତକ ପରି
ଚାହିଁ ରହିଥିଲେ
ଏଇ ଏବେ ଏବେ
ତ ମୁଁ ତମ ପାଇଁ ଗାରେଇଥିଲି
ତମେ ଚିହ୍ନିଲ ତା'କୁ କବିତା ବୋଲି
ତଥାପି ଖୋଜୁଥିଲ କବି! କୁ
