ଲାଇବ୍ରେରୀ
ପ୍ରୋଫାଇଲ୍
ଏ ଧନ ଜୀବନ ସବୁ ମିଛ
ଏ ଧନ ଜୀବନ ସବୁ ମିଛ
କିଏ କୁହେ ମୁଁ ମିଛ
କିଏ କୁହେ ତୁମେ ମିଛ
କିଏ କୁହେ ଧର୍ମ ମିଛ
କିଏ କୁହେ ପ୍ରେମ ମିଛ
ସବୁ ମିଛ ମିଛ ଭିତରେ
ଆମ ଜୀବନ ମିଛ
ଆମର ଏ ଧନ ମିଛ ।
ଜୀବନରେ ଯନ୍ତ୍ରଣା ମିଛ
ଧନ,ମାନ, ଜ୍ଞାନ ସବୁ ମିଛ
ଏ ଜୀବିକା ଏ ଜୀବନ ମିଛ
ଏ ସଂଘର୍ଷ ଏ ଘର ସଂସାର
ସବୁ ଭାଇ ମିଛ ଏଠି
ସବୁ ଏଠି ମିଛ
ଲୋଭ,ମୋହ, ମାୟା
ଜନନୀ, ଭଗିନୀ, ଜାୟା
ସବୁ ଖାଲି ମାୟା
ନିତ୍ୟ ଅନିତ୍ୟ ମିଛ
ସଂସ୍କାର ସଂସ୍କୃତି ମିଛ
ଆମ ସଭ୍ୟତା ଶିକ୍ଷା
ସବୁ ଏଠି ମିଛ ।
ଏ ମର୍ତ୍ତ୍ୟ ମଣ୍ଡଳେ
ମୃତ୍ୟୁ ସତ୍ୟ
ଆସିବ ଲଙ୍ଗଳା ପୁଣି
ଯିବ ଶୂନ୍ୟ
ଶୂନ୍ୟ ଶୂନ୍ୟ ମହାଶୂନ୍ୟ
ଶୂନ୍ୟ ରୁ ଆରମ୍ଭ ପୁଣି
ଶୂନ୍ୟେ ଶେଷ
ଶୂନ୍ୟତା ହିଁ ସତ୍ୟ
ଏ ଶତ୍ରୁ ଏ ମିତ୍ର
ସବୁ ଏଠି ମିଛ
ଏ ରଙ୍ଗ ମଞ୍ଚରେ
ଅଭିନୟ ସତ୍ୟ
ଆଉ ସବୁ ମିଛ ବନ୍ଧୁ
ଆଉ ସବୁ ମିଛ।
ବନ୍ଧୁ ପରିଜନ ପ୍ରେମିକ ପ୍ରେମିକା
ଏ ତ ଅଟେ ଜୀବନର ସବୁ ପ୍ରହେଳିକା
ସେବା କର୍ମ ତୋ ପରିଚୟ ଏକା
ଦୟା, କ୍ଷମା, ସାଧୁତା
ସୃଷ୍ଟି କରେ ତୋର ପରିଚୟ
ନିନ୍ଦା ପ୍ରଶଂସା ରେ କେବେ
ନ ହୁଅ ଅଥୟ
ଏ ଧନ, ଜନ, ଯଉବନ
ଏ କ୍ଷଣିକ ଏ ସବୁ ହୀନ
ଯଦି ପାଲଟିବାକୁ ଚାହଁ ଅମର
ଭୁଲିଯାଅ ସଂସାର ଜଞ୍ଜାଳ
ସେବା ଓ ତ୍ୟାଗେ ଦିଅ ଧ୍ୟାନ
ତେବେ ସଂସାରେ ହେବୁଟି ମହାନ
ପାର୍ଥୀବ ବସ୍ତୁ ସବୁ ମିଛ
ଏ ଧନ ଜୀବନ ସବୁ ମିଛ ।
