ଦୟାସାଗର
ଦୟାସାଗର
1 min
121
ଦୀନବନ୍ଧୁ ଅବତର
ସୁଦର୍ଶନ ହସ୍ତେ ପ୍ରଭୁ ଜଗନ୍ନାଥ
କଳକୀ ଶରୀର ଧର ।
ଶୀତ କାକରରେ ନ ପାହୁଣୁ ରାତି
ସଅଳ ପକାଇ ବୁଡ଼
ତୋର ବଡ଼ଦାଣ୍ଡ ସି°ହ ଦୁଆରରୁ
କରୁଛି ଦଣ୍ଡ ଜୁହାର
ବଢେ ପାପତାପ ଘୋର କଳିକାଳ
ଉଦ୍ଧର ଦୟାସାଗର ।
କେତେ ଦିନ ଆଉ ସହିବୁ କଷଣ
ଚାହିଁଥିବୁ ଜଳଜଳ
ବିଚରା ଭକତ ଦରଶନ ବିନା
ଆତୁରେ ହେବ ବିକଳ
ଦୂର କର ପ୍ରଭୁ ରୋଗ ମହାମାରୀ
ସିଂହ ଦୁଆରକୁ ଖୋଲ ।
ନୀଳଚକ୍ରେ ଉଡେ ପତିତପାବନ
ସ୍ୱାମୀ ଶ୍ରୀପୁରୁଷୋତ୍ତମ
ହୋଇ ଚଉବାହା ନୀଳ କନ୍ଦରରେ
ନୀରବେ ଅଛ ମଉନ
ଫେଡ଼ନ୍ତୁ ଆରତ ଖଣ୍ଡନ୍ତୁ ଦୂରିତ
ପ୍ରଭୁ ଦୟାର ସାଗର ।