ଦୁର୍ନୀତି

ସୁଜଳା ସୁଫଳା ଅରଣ୍ୟ କୁନ୍ତଳା

ତଟିନୀ ମେଖଳା ଭୂଇଁ

ନୀତିହୀନତାର ବୀଜ ବିପନରେ

ନିତି କାନ୍ଦେ କଇଁ କଇଁ। {୧}

ଲାଛ, ମିଛ ଶଠ ବଢିବଢି ଯାଏ

ସତ୍ୟତାର ଅବରୁଦ୍ଧ

ଭୋଗବାଦୀ ସଭ୍ୟ ବିଳାସମୟରେ

ହୋଇଛିରେ ଆଜି ଅନ୍ଧ। {୨}

ଦୁର୍ନୀତି ରାକ୍ଷସ ସର୍ବଗ୍ରାସ କରି

ଆତ୍ମା ତାର କଳୁଷିତ

ଶୋଷ

Advertisement

ଣ ପେଷଣ ବିଚ୍ଛିନ୍ନ ସଂପର୍କ

ସତ୍ୟ ନୀତି ସେବା ଅନ୍ତ। {୩}

ନିରୀହ ଜନତା ଭୟେ ଆତଙ୍କିତ

ଅର୍ଥ ବାହୁର କ୍ଷମତା

ଦୁର୍ନୀତି ସନ୍ତାନ ଅପରାଧ ସାଜି

ହତ୍ୟା କରୁଛି ମମତା। {୪}

ଦୁର୍ନୀତି ଖୋରର କରିବା ବିରୋଧ

ତ୍ୟାଗ କରି ମୋହମାୟା

ଅପସରି ଯିବ ଭ୍ରଷ୍ଟାଚାର ଦେଶୁ

ଦୁର୍ନୀତିର କାଳଛାୟା। {୫}