ଦୁର୍ଗତିନାଶିନୀ ଜୟ ମା ଭବାନୀ

ଦୁର୍ଗତିନାଶିନୀ ଜୟ ମା ଭବାନୀ

    କାଳରାତ୍ରୀ ଭୟଙ୍କରୀ

ମହିଷାମର୍ଦ୍ଦିନୀ ଅଭୟ ଦାୟିନୀ

    ସିଦ୍ଧିଦାତ୍ରୀ ମହାଗୌରୀ l

ଦୁଃଖ ବିନାଶିନୀ ମଙ୍ଗଳ କାରିଣୀ

     ଆଦି ଶକ୍ତି ଦୁର୍ଗାମାତା

ଶକ୍ତି ସ୍ୱରୂପିଣୀ ତୁ ବ୍ରହ୍ମଚାରିଣୀ

     ତୁହି ଉମା ସ୍କନ୍ଧମାତା l

     

ମାତା ବୀଣାପାଣି ସତ୍ୟ ସନାତନୀ

     ଅପର୍ଣ୍ଣା ତାରା ବିମଳା 

ଦେବୀ କାତ୍ୟାୟିନୀ ତୁହି ମା ତାରିଣୀ 

    ଶୈଳପୁତ୍ରୀ ମା ମଙ୍ଗଳା l

ମାତୃ ସ୍ୱରୂପିଣୀ ଜଗତ ଜନନୀ

   ଦିଅ ମାତା ସଦଜ୍ଞାନ

କଲ୍ୟାଣ କାରିଣୀ ତ୍ରିଶୁଳ ଧାରିଣୀ

   ଅଜ୍ଞାନ କର ନାଶନ l

ସତ୍ୟ ସ୍ୱରୂପିଣୀ  ଶାନ୍ତି ସ୍ୱରୂପିଣୀ

    ତୋର ପାଦେ ନିବେଦନ

ଧର୍ମ ସ୍ୱରୂପିଣୀ  ସନ୍ତୋଷ ଦାୟିନୀ

    ହଟାଇ ଦିଅ କଷଣ l