ଦୁର୍ଗାଙ୍କ ନାମ ସ୍ତୁତି

ଆଦ୍ୟାଶକ୍ତି ଭଗବତୀ କାମେଶ୍ଵରୀ ଗୌରୀ

ବୈଷ୍ଣବୀ ଗିରିଜା ମାଗୋ ଉମା ବାଟେଶ୍ଵରୀ ।

ତୋର ନାମ ଗୁଣି ମାଗୋ ଦିନ ଯାଉ ବିତି

ଜଗଦମ୍ବେ କୃପା କର ଦୁଃଖ ହେଉ ଇତି ।

କାତ୍ୟାୟନୀ ହୈମବତୀ ସୁଭଗା ଜୃମ୍ଭିଣୀ

ଧୂମାବତୀ କାମରୂପା ଶିବାନୀ ମୋହିନୀ ।

ଅସୁରଙ୍କ ଅତ୍ୟାଚାର ଅସହ୍ୟ ଦୁର୍ଦ୍ଦିନେ

ସହାୟ ହୋଇଲୁ ମାତ ଶରତ ପାର୍ବଣେ ।

କଲ୍ୟାଣୀ ଚାମୁଣ୍ଡା ସତୀ ବିମଳା ପାର୍ବତୀ

ମହାକାଳୀ ଶୂଳଧରା ଫୁଲନୀ ଜୟନ୍ତି ।

ସର୍ବ ଦେବା ଦେବୀ କଣ୍ଠେ ତୋର ନାମାବଳୀ

ବିବିଧ ନାମ ବରଣେ କଲେ ମାତ ଅଳି ।

ଈଶାନୀ ଶିବାନୀ ଶାନ୍ତା ବାଣୀ ଜ୍ୱାଳାମୁଖୀ

ମହିଷାମର୍ଦ୍ଦିନୀ ଘୋରା ପ୍ରେମା ବିଶାଳାକ୍ଷୀ ।

ବ୍ରହ୍ମା ଡାକ ଦେଲେ ମାତ ରଖ ତୋ ସନ୍ତାନ

ତୋ ଆଶିଷ ନମିଳିଲେ ନିଶ୍ଚୟ ମରଣ ।

ହୈମବତୀ ଦେବମାତା ଅନ୍ନପୂର୍ଣ୍ଣା ତାରା

ସନାତନୀ ମହାକାଳୀ ବଗଳା ତ୍ରିପୁରା ।

କାଳିକା ମଙ୍ଗଳା ଷଷ୍ଠୀ ଶ୍ୟାମା ଦକ୍ଷକନ୍ୟା

ଶାରଦା ଅମ୍ବିକା କାଳୀ ମହାମାତ୍ରା ଉମା ।

ମାତୃକା ସାବିତ୍ରୀ ଚଣ୍ଡି ହେରମ୍ବଜନନୀ

ଗିରି କନ୍ୟା ଜଗଧାତ୍ରୀ ରୁଦ୍ରାଣୀ ଶ୍ରର୍ବାଣୀ ।

ନାରାୟଣୀ ଶିବା ହିଣ୍ଡୀ କୋଟ୍ଟବୀ ଭବାନୀ

ଭାଦ୍ରରୀ ଅପର୍ଣ୍ଣା କୁଷ୍ଣା ମାଧବୀ ମୁଡାନୀ ।

ବିଧାତ୍ରୀ କୃଷ୍ଣପିଙ୍ଗଳା ଗର୍ବଙ୍ଗୀ ଚାମୁଣ୍ଡା

ଭୈରକୀ ଅନ୍ନଦା ଭୌମୀ ଧବଳା ଆନନ୍ଦା ।

ମୁଁ ଅତି ଅବୋଧ ମାତ କ୍ଷମା ଦେବୁ ମୋତେ

ଲେଖନୀ ମୁନକୁ ସାହା ଥିବୁ ଦିବା ରାତେ ।‌