ଜଳୁଥିବା ନିଆଁ ସୃଷ୍ଟି କରିବ ଝଡ଼
ଜଳୁଥିବା ନିଆଁ ସୃଷ୍ଟି କରିବ ଝଡ଼
ଯେ ଫରକ୍ କରି ଜାଣେ ବିବେକୀ ବିକୃତ
ଜୀବି କାର୍ଯ୍ୟ ମଧ୍ୟରେ
ଉଚିତ, ଯଥାର୍ଥ ଉକ୍ତି ମାନଂକୁ ସେଇ ମନୁଷ୍ୟ
ଉପସ୍ଥାପିତ କରେ ।
ଯେଉଁ ମଣିଷ ବୁଝେ ପ୍ରତ୍ୟେକ ମାନବର
ଆତ୍ମ ସମ୍ମାନ
ଅନାଚାର ଅତ୍ୟାଚାର ବିରୁଦ୍ଧେ ପ୍ରତିବାଦ
କରେ ସେ ଜାଣ ।
ସେହି ସବୁ ଯଥାର୍ଥୋକ୍ତିକୁ ସହଜରେ ଯିଏ
ଗ୍ରହଣ କରନ୍ତି ନାହିଁ,
ସେହି ଶକ୍ତି ତାହାକୁ ସଦା ସର୍ବଦା ଆଖ୍ୟା
ଦେଇ ଥାଏ ବିଦ୍ରୋହୀ ।
ତାକୁ ବିଦ୍ରୋହୀ ସଜାଇବାରେ ବିବେକୀ
ମଣିଷକୁ କିଛି ଫରକ୍ ଦିଶେନି
ବିଦ୍ରୋହୀ କହିବା ଏକ ଢାଲ, ଏ ଉକ୍ତିକୁ
ସେ କେବେ ପ୍ରାଧାନ୍ୟ ଦିଏନି ।
ରୀତିମତ ଶତରଞ୍ଜ ଖେଳ ଚାଲେ ବିପ୍ଳବରେ
ବିଦ୍ରୋହୀ ଆଉ ବହୁରୂପୀ ମଧ୍ୟରେ
ଖେଳରେ ବିଦ୍ରୋହୀ ଦେଖେ ବିଭତ୍ସ ଶୋଷଣ,
ମାନସିକ ଅତ୍ୟାଚାର ତା ଉପରେ ।
ମତାନ୍ତର ଘନୀଭୂତ ହୋଇ ସାଜେ ମନାନ୍ତର,
ବନ୍ଧୁତା ବଳିପଡେ଼ ମତାନ୍ତର ଆଗରେ,
ନୀରବେ ସହିଯାଏ, ନଡରେ ସେ କେବେ ସେହି
ସବୁ ଅହେତୁକ ଧମକରେ ।
ଶୋଷକ ଭାବେ ଅର୍ଥର ଲାଳସା ସାମ୍ନାରେ
ମୂଲ୍ୟବୋଧ କିଏ ନା ସତ୍ୟ କଣ!
ସେ କାହୁଁ ଜାଣିବ ଭିତରେ ଜଳୁଥିବା ନିଆଁ
ସୃଷ୍ଟି କରିବ ଝଡ଼, ଯାହ ଏକ ଭିନ୍ନ ।
ଭାବିଛକି ବର୍ତ୍ତିଯିବ ହେ ଅତ୍ୟାଚାରୀ ଶୋଷକ
କେହି ଅକସ୍ମାତ୍ ଝଡ଼ ତଳେ
ଜାଣିନ କି ପାଇନ୍ ପରି ସୁଉଚ୍ଚ ବୃକ୍ଷରାଜିର
ବିଲୟ ହୁଏ ବିତ୍ପାତ ବେଳେ ।