ପତି ପତ୍ନୀ
ପତି ପତ୍ନୀ
ବିବାହ ବେଦିରେ ଶୁଭ ଲଗନରେ
ଛନ୍ଦିଣ ହାତରେ ହାତ
ଅଗ୍ନି ସାକ୍ଷୀ ରଖି ସାତ ଘେରା ଦେଈ
ଆରମ୍ଭ ଦାମ୍ପତ୍ୟ ବ୍ରତ ।
ଦୁଇଟି ଶରୀର ଏକ ମନ ପ୍ରାଣ
ଆତ୍ମା ଶରୀର ର ଯୋଗ
ଏକ ବିନା ଏକ ଅଧୁରା ଜୀବନ
ଦେହ ଦହେ କାମ ଭୋଗ ।
ସୃଷ୍ଟି ସର୍ଜନା ର ସୁନ୍ଦର ନିୟମ
ପୁରୁଷ ନାରୀର ପ୍ରିତୀ
ଦୁଇ ଶରୀରର ମଧୁର ମିଳ ନେ
ଗଢା ଏ ସୁନ୍ଦର ସୃଷ୍ଟି।
ପତି ପତ୍ନୀ ଙ୍କ ର ମଧୁର ସମ୍ପର୍କେ
ଘର ଲାଗେ ସ୍ବର୍ଗ ପୁର
ଜଣେ ପଢୁ ଥାଏ ଜଣକ ହ୍ରୁଦୟ
ଆନ ବୁଝେ ମନ ତାର ।
ପତ୍ନୀ ସୀମନ୍ତରେ ପତିର ସିନ୍ଦୂର
ସଧ ବା ନାରୀର ଚିହ୍ନ
ପ୍ରାତଃ ସ୍ନାନ ସାରି ପତି ସୁହାଗିନି
ସିମନ୍ତ କରେ ମଣ୍ଡନ ।
ପତ୍ନୀ ର ମର୍ଯ୍ୟାଦା ଭୁଲେ ନାହିଁ ପତି
ଅର୍ଦ୍ଧାଙ୍ଗିନୀ ନାମ ଦେଇ
ଅର୍ଦ୍ଧନାରୀଶ୍ୱର ବୋଲାନ୍ତି ଈଶ୍ୱର
ପାର୍ବତୀଙ୍କ ମାନ ପାଇଁ ।
ସ୍ନେହ ପ୍ରେମ ଶ୍ରଦ୍ଧା ସହନଶୀଳତା
ଅତୁଟ ବିଶ୍ୱାସ ନେଇ
ସେବା ଧର୍ମ ତ୍ୟାଗ ଉତ୍ତମ ବୁଝାରେ
ଏ ସଂପର୍କ ଚୀରସ୍ଥାୟୀ ।