ଆଦର୍ଶ ଜୀବନ
ଆଦର୍ଶ ଜୀବନ
ପ୍ରଭୁ ରାମଚନ୍ଦ୍ର ଜୀବନ ଆଦର୍ଶ
ଶ୍ରେଷ୍ଠ ପୁରୁଷ ଉତ୍ତମ
ପିତୃ ମାତୃ ଭକ୍ତି ଭାତୃତ୍ୱର ପ୍ରୀତି
ପ୍ରଜା ପ୍ରେମେ ଦେଶ କାମ l
ଭାରତ ଦେଶର ଭରତ ବଂଶର
ସାଧୁତା ମାନବିକତା
ଆଦର୍ଶରେ ଭରା ବଂଶ ପରମ୍ପରା
ଜୀବନ ଜୀବିକା ଗାଥା l
ସତ୍ୟ,ତ୍ୟାଗ, ଦାନ ସେବା କା6ର୍ଯ୍ୟ ମନ
ନିର୍ମଳ ଚରିତ୍ର ଯାର
ନିଃସ୍ୱାର୍ଥ ଜୀବନ ସଂସାରେ ମହାନ
ଆଦର୍ଶ ସେ ସମାଜର l
ଗାନ୍ଧୀ ଗୋପବନ୍ଧୁ ଜନତାର ବନ୍ଧୁ
ସେବା ଧର୍ମ ପୁଣ୍ୟ ବଳେ
ଆଜି ଜନାଦୃତ ତାଙ୍କରି କୃତିତ୍ୱ
ଶୁଣି ଶିଖୁ ଅବହେଳେ l
ଏଇତ ଜୀବନ ମାତ୍ର ଦୁଇଦିନ
ଅଂହକାର ବଡ଼ ପଣ
କରି ପରିତ୍ୟାଗ ସ୍ୱାର୍ଥ କାମ ତ୍ୟାଗ
ଜୀବନର ବଡ଼ ଗୁଣ l
ନୀରବତା ମନ୍ତ୍ର ସରଳତା ଯନ୍ତ୍ର
ସହନଶୀଳତା ଅସ୍ତ୍ର
ଘୃଣା ପରିହର ବିରକ୍ତିରୁ ଦୂର
ଆଦର୍ଶ ଜୀବନ ଶସ୍ତ୍ର l
ପରନିନ୍ଦା ଚର୍ଚ୍ଚା ଆଲୋଚ୍ୟରେ ମଜା
ନଥାଏ ଯାର ନଜର
ପ୍ରଶଂସାରେ ମନ ଯାର ଖୁସି ପ୍ରାଣ
ସମାଜେ ସେ ଆଦର୍ଶର l
କର୍ମରେ ବିଶ୍ୱାସ ସତ୍ୟ ଯାର ଶ୍ୱାସ
ଆଧ୍ୟାତ୍ମିକ ଯେଉଁ ଜନ
ପରୋପକାରରେ ନ୍ୟାୟ ଓ ଧର୍ମରେ
ଆଦର୍ଶ ତାର ଜୀବନ l
ସତ ଚିନ୍ତା, କର୍ମ, ବିଶ୍ୱାସ, ଉଦ୍ୟମ
ଜୀବିକା, ବାକ୍ୟ, ଆଚାର
ସଂକଳ୍ପ, ସତ୍ୟର ଅଷ୍ଟାଙ୍ଗ ମାର୍ଗର
ବୁଦ୍ଧ ବାଣୀ ଆଦର୍ଶର l
କରିଲେ ସ୍ୱୀକାର ହେବ ଆଦର୍ଶର
ଯଶ କୀର୍ତ୍ତି ଅମରର
ଆଦର୍ଶ ଜୀବନ ମିଳେ ସନମାନ
ଅଭିବ୍ୟକ୍ତି ନୃସିଂହର l