ଲାଇବ୍ରେରୀ
ପ୍ରୋଫାଇଲ୍
# ଦୁଃଖ #
# ଦୁଃଖ #
1 min
197
କାହାକୁ ବାଣ୍ଟିବା ଦୁଃଖକୁ ଆମର
ନଦୀକୁ ଅବା ନାରୀକୁ
କଇଁ ନା ଜହ୍ନକୁ ପକ୍ଷୀ ନା ପବନ
ଆପଣା ନା ଆକାଶକୁ ।।
ଯାହାକୁ ଚାହିଁଲେ ମହଣ ଦୁଃଖରେ
ସମସ୍ତେ ତ ଆକ୍ତମାକ୍ତ
ସୁଖ ସପ ଖଣ୍ଡେ ସାଉଁଟି ବସିଲେ
ଦୁଃଖ କତରାର ପ୍ରାପ୍ତ ।।
ବିଶ୍ୱାସରେ ସ୍ନେହ ମାଗିବାକୁ ଗଲେ
ପାହିଯାଏ ସ୍ୱପ୍ନ ରାତି
ପ୍ରତାରଣା ଖଣ୍ଡାଧାରେ ଚାଲି ଚାଲି
ସରିଯାଏ ସବୁ ପ୍ରୀତି ।।
କାହା ପାଖେ ଆଉ ବାହୁନିବି ଏଠି
ଦୁଃଖ ଚିତ୍ରପଟ ସାଜି
ସୁଖର ଝଟକେ ମହମ କୁହୁକେ
ସଭିଏଁ ପାଗଳ ଆଜି ।।
ଏଠାରେ ଲାଗନ୍ତି ସର୍ବେ ଭଦ୍ରଲୋକ
ଶୁଣିବ କେ କାନପାରି
ରାତି ବା ସକାଳ ଫୁଲ ବା ଭ୍ରମର
ମନେ ବିବସତା ଭରି ।।
ଗତି ନା ପ୍ରଗତି ଶାନ୍ତି ନା ପ୍ରଣତି
କାହା ବେକେ ପକାଇବି
ଶେଷେ ସବୁ ଦୁଃଖ ମନ୍ତ୍ର ଉତରୀକୁ
ନିଜର ଯାହା କରିବି ।।
ଦୁଃଖ ଅଛି ବୋଲି ଲାଗୁଛି ସତରେ
ସ୍ୱପ୍ନ ଲୁଚକାଳି ଖେଳେ
ଦୁଃଖ ସହିଗଲେ ସୁଖ ପଛେ ଆସି
ବସିଯିବ ଆମ କୋଳେ ।।
