ଦଶହରା ଓ କୁମାର ପୂର୍ଣ୍ଣିମା

ଆସୁଛନ୍ତି ମାଆ ଆସୁଛନ୍ତି

                କି ଆଡମ୍ବରରେ ଆସୁଛନ୍ତି,

ଆଶ୍ୱିନ ମାସେ ସୁବର୍ଣ୍ଣ ରଥେ

                 କି ସୁନ୍ଦର ମାଆ ଦିଶୁଛନ୍ତି 

ମହିଷାମର୍ଦ୍ଦିନୀ ମାତା ଦୁର୍ଗା

                ମର୍ତ୍ତ୍ୟପୁରେ ବିଜେ କରିଛନ୍ତି l

ମା ଦୁର୍ଗାଙ୍କର ଭୀଷଣ ରୂପ

                ଦେଖିଲେ ଲାଗଇ ଭୟ,

ନାନା ଆଭୂଷଣେ ସୁସଜ୍ଜିତ

                ଦେଖାଯାଆନ୍ତି କି କମନୀୟ 

ଦଶହରା ନାମେ ସୁବିଖ୍ୟାତ

               ଖୁସିରେ ସଭିଏଁ  ପାଳିଥାନ୍ତି l

ନୂତନ ପୋଷାକ ପିନ୍ଧିକରି

                ସମସ୍ତେ ଖୁସି ମନାଉଥାନ୍ତି,

ଜଗଦମ୍ବାଙ୍କୁ  ଦର୍ଶନ କରି

               ଅନ୍ତର ବେଦନା  ଜଣାଅନ୍ତି 

ପୂଜାର୍ଚ୍ଚନା ଉପବାସ ରହି

              ଖୁସିରେ ମାଆଙ୍କୁ ପୂଜିଥାନ୍ତି l

ତାପରେ ଆସେ ମାସର ଶେଷେ

                କୁମାର ପୁର୍ଣ୍ଣିମା ଯେ ପରବ,

ଆକାଶକୁ ଚାହିଁ ଚନ୍ଦ୍ରମାକୁ

                 ଖୁସିରେ ପାଳିଥାନ୍ତି  ସରବ 

ପିଲା ଠାରୁ ବୁଢା ପାଲି ଖେଳି

                 କିଏ ଜିତି  କିଏ ହାରୁଥାନ୍ତି l

ଯାହା ତୁମେ ଆଦାୟ କରିବ

                  ଏହି ମାସରେ  ସବୁ ସରିବ,

ଯେତେ ଉପାର୍ଜନ କଲେ ଭାଇ

                 ପାଶେ  କିଛି ହେଲେ ନ ରହିବ 

ବାର ମାସେ ତେର ପର୍ବ ପାଳି  

                 ଦେବାଦେବୀଙ୍କ କୃପା ଲଭୁଥାନ୍ତି l