ଦଶଦିଶ ହେଉ ତ୍ୱରା
ଦଶଦିଶ ହେଉ ତ୍ୱରା
ଶରଦ ପାର୍ବଣ ମଙ୍ଗଳ ପ୍ରଭାତେ
କରୁଅଛୁ ମାଆ ଅଳି
ପ୍ରକାଶୁ କିରଣ ପାହୁ ଅମା ରାତି
ଦିଶୁ ପୂର୍ବ ଆଶା ନାଲି ।
ଉଡୁ ସିଂହ ଧ୍ୱଜା ଗରଜୁ ବାହନ
ଝଲସୁ ଖଡ୍ଗ କୃପାଣ
ଶୂଳ ହସ୍ତେ ମାଆ ଗିରିଜା ବିରଜା
କର ଧରାବତରଣ ।
ହୁଅ ପ୍ରକଟିତ ଦେବୀ ମହାଶକ୍ତି
ଅପର୍ଣ୍ଣା ଗୈ।ରୀ ବିମଳା
ଔଜଲ୍ୟ କମଳା ସ୍ୱର୍ଣିମ ବର୍ଣ୍ଣ।ଳି
ଦଶଦିଶ ହେଉ ତ୍ୱରା ।
ନାଶ ହେଉ ପାପ ଅନ୍ୟାୟ ଦୁର୍ନୀତି
ରୋଗ ଦୁଃଖ ମହାମାରୀ
ଦିଅ ସଦବୁଦ୍ଧି ବିକଶୁ ଜୀବନ
ସତ୍ୟ ପଥ ଅନୁସରି ।
ହେଉ ତେଜୋଦୀପ୍ତ ଜ୍ଞାନର ପ୍ରଦୀପ
ସୁସମ୍ବନ୍ଧ ଆତ୍ମିୟତା
ସଦ୍ଭାବନା ମୈତ୍ରୀ କ୍ଷମା ଦିବ୍ୟଗୁଣେ
ସମୁଜ୍ଜଳୁ ମାନବତା ।
ପ୍ରସ୍ଫୁଟିତ ହେଉ ପ୍ରଫୁଲ୍ଲ କମଳ
ସତ୍ୟ ଶାନ୍ତି ଶତଦଳ
ଦିଅ ସୁସାମର୍ଥ୍ୟ ଶକ୍ତି ଶୁଭାଶିଷ
କଲ୍ୟାଣ ହେଉ ମଙ୍ଗଳ ।