ଦୀପାଳି
ଦୀପାଳି
କାର୍ତ୍ତିକ ମାସର ପୁଣ୍ୟ ଅମାବାସ୍ୟା
ଦେବ ଦୀପାବଳି ନାମେ ।
ଅନାସକ୍ତ ଭାବ ନେଇ ପାଳିଥା'ନ୍ତି
ମୋହ ରୂପୀ ଧରାଧାମେ l
ମନରେ ନଥାଏ କାମନା ବାସନା
ଅବା ଆସକ୍ତିର ଭାବ l
ଅଜ୍ଞାନ ଅନ୍ଧାର ହୋଇଯାଇ ଦୂର
ଜ୍ଞାନଦୀପ ବିସ୍ତାରିବ l
ଘୃଣା ହିଂସା ରୂପୀ ଘନ ଅନ୍ଧକାରେ
ପ୍ରେମର ଦୀପ ଜଳାଇ l
ମାନବ ମାନସେ ଭରିଦେବା ଆସ
ସର୍ବେ ଆମେ ଭାଇ ଭାଇ l
ପ୍ରାଣରୂପୀ ଅନ୍ନ ବିଲରେ ଖେଳଇ
ସୁନାର ଫସଲ ହୋଇ l
ମହାଲକ୍ଷ୍ମୀଙ୍କର ସ୍ୱାଗତ କରନ୍ତି
ଦୀପ ଜାଳି ଚାଷୀ ଭାଇ l
ବୈକୁଣ୍ଠ ପୁରୀରେ ଲକ୍ଷ୍ମୀନାରାୟଣ
ବିବାହ ଉତ୍ସବ ନେଇ ।
ସର୍ବ ଦେବଗଣ ଉତ୍ସବ ପାଳିଲେ
ଘରେ ଦୀପ ଜାଳିଦେଇ ।
ରାବଣ ବିନାଶି ପ୍ରଭୁ ରାମଚନ୍ଦ୍ର
ଫେରିଲେ ଅଯୋଧ୍ୟା ପୁରୀ l
ପ୍ରଭୁଙ୍କ ସ୍ଵାଗତେ ଝଲସି ଉଠଇ
ଦୀପେ ଅଯୋଧ୍ୟା ନଗରୀ l
ସେହିଦିନ ଠାରୁ ଏହି ବିଶ୍ୱବାସୀ
ଦୀପକୁ ପ୍ରେମେ ଜଳାଇ l
ଦେବ ଦୀପାବଳି ନାମରେ ପାଳନ୍ତି
ଲକ୍ଷ୍ମୀଙ୍କ ଆଶିଷ ପାଇଁ l