Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mamatamanjari Das

Inspirational

4  

Mamatamanjari Das

Inspirational

ଅମୂଲ୍ୟ ଏ ମଣିଷ ଜନ୍ମ

ଅମୂଲ୍ୟ ଏ ମଣିଷ ଜନ୍ମ

1 min
327



ଜୀବନଟା ଏକ ଭସା ବାଦଲଟେ

ପବନରେ ଖାଲି ଧାଏଁ

ମଙ୍ଗୁଆଳ ହୋଇ ମଙ୍ଗ ନଧରିଲେ

ଅକାଳରେ ଝରିଯାଏ।


ମାୟା ମରୀଚିକା ଏ ଜୀବନର ପଥ

ସମସ୍ତେ ମାୟାରେ ବାୟା

ତୁଟିଲେ ସପନ ଆସଇ ସକାଳ

ସବୁ ପୁଣି ହୁଏ ନୂଆ ।


ବଞ୍ଚିବା ନୁହଁଇ ଜୀବନର ଅର୍ଥ

ଯେଉଁଠାରେ ଥାଏ ସ୍ୱାର୍ଥ

ପର ଉପକାରେ ଲାଗିଲେ ଜୀବନ

ମିଳିଯିବ ପରମାର୍ଥ ।


ସବୁଦିନ ନଥିବ ପୂନେଇ ରାତିଟା

ଆସିବ ତ ଦିନେ ଅମା

ପୂଣ୍ୟ ର ତରୀରେ ନାବିକ ହୋଇଲେ

ଦୁଃଖ ରହିବନି ଯମା ।


ବିଶ୍ୱାସ ଛାଇରେ ଭେଟିବାକୁ ହେବ

ଅବିଶ୍ୱାସ ର ଋଦ୍ଧ ଦ୍ୱାର

ମନ ଅଳନ୍ଧରୁ ଝାଡିବାକୁ ହେବ

ଲୋଭ ଆଉ ଅହଂକାର ।


ସହିବାକୁ ହେବ ନୀରବତା କିଛି

ଯେତେ ଲମ୍ବା ହେଉ ରାସ୍ତା

ସ୍ନେହ ଆଲିମ୍ଫନେ ମାପିବାକୁ ହେବ

ଅନ୍ୟ ହୃଦୟର ନୀରବତା।


ତେବେ ଯାଇ ବନ୍ଧୁ ସାର୍ଥକ ହୋଇବ

ଆମ ଏ ଅମୂଲ୍ୟ ମଣିଷ ଜନ୍ମ

ମରିଗଲା ପରେ ଅମର ରହିବ ଅନ୍ୟ

ହୃଦୟରେ ସବୁଦିନ ।


Rate this content
Log in