ପରିବାର

ପିଲା ପରିବାର ଆତ୍ମୀୟ ସ୍ଵଜନ

    ଜୀବନର ଅନୁସଙ୍ଗ

ସ୍ନେହଁପ୍ରେମ ଢାଳି ଦିଅ ଜଳାଞ୍ଜଳି

    ପ୍ରାପ୍ତ ହେବ ସୁଖଭୋଗ ॥

ଭାବ ବନ୍ଧନରେ ପ୍ରୀତି ପରଶରେ

    ହସଇ ସୁନା ସଂସାର

ସ୍ନେହଁ ପ୍ରେମ ନୀରେ ଭାସିଯାଅ ସର୍ବେ

     ମହକିବ ପରିବାର  ॥

 ଅମୂଲ୍ୟ ସମ୍ପଦ ଆମ ପରିବାର

    ବୈକୁଣ୍ଠ ସମାନ ଅଟେ

ପରସ୍ପର ସ୍ନେହଁ ଥାଏ ନିରନ୍ତର

   ସୁଖ ଭୋଗେ ଦିନ କଟେ ॥

ବୃଦ୍ଧ ପିତା ମାତା ପରିବାର ସତ୍ତା

    ଉଜ୍ଜ୍ବଳ ସ୍ଵର୍ଣ୍ଣ ମାଣିକ

ଶ୍ରମ ଦାନ କରି ଗଢି ତୋଳି ଛନ୍ତି

    ସୁରମ୍ୟ ମହଲ ନୀଡ଼  ॥

ନୀଡ଼ର ଶାବକ ଗରବ ଗୌରବ

    କୁଳର ଚାନ୍ଦ୍ରମା ସୁତ

କର୍ମ ଅଭିମୁଖେ ଥାଏ ଅବିରତେ

    ସାଜି ପରିବାର ମିତ ॥

ପୃଥିବୀଠୁ ବଡ଼ ଜନ୍ମଦାତ୍ରୀ ଆମ

    ସରଗଠୁ ବଡ଼ ପିତା

ତାଙ୍କରି ବଦାନ୍ୟ ସୁପରିବାର

   ସତେ ସେ ଜଗତ ଜିତା ॥

ସହ ଅଵସ୍ଥାନ ଭାବ ଉଦ୍ଦୀପକ

   ପରିବାର ମୂଳପିଣ୍ଡ

ଅଦୃଶ୍ୟ ବନ୍ଧନ ହୋଇଛି ବଳିଷ୍ଠ

   ସଚିତ୍ର ଜଗତେ ଶ୍ରେଷ୍ଠ ॥

 ସମୃଦ୍ଧି ବିଜୟ ଆଦର୍ଶ ନିଳୟ

    ପରିବାର  ପ୍ରତିଛବି

ଦୁଃଖରେ ସୁଖରେ ରହିବା ସଙ୍ଗତେ

    ସର୍ବେ ଆମେ ଅନୁଭବି ॥