ମଣିଷ ମୁଁ (ଭାଗ-୧)
ମଣିଷ ମୁଁ (ଭାଗ-୧)
ପାପ ମୋପାଇଁ ମହା ପୂଣ୍ୟ,
ଅନ୍ୟାୟ ମୋର ପରମ ଧର୍ମ l
ଅନୀତି ଅଟେ ମୋର ମହାନୀତି,
ନିଶା ମୋହର ଜୀବନ ସାଥୀ l
ପର ଧନ ମୋର ପୈତୃକ ସମ୍ପତ୍ତି,
ଧର୍ମବାଣୀ ଅଟେ ମୋର ଅଧୋଗତି l
ପର ନାରୀ ଅଟେ ମୋର ସ୍ତ୍ରୀ,
ପ୍ରେମ, ଶାନ୍ତି ଅଟେ ମୋ ବଇରୀ l
ଗ୍ରାମ ଶୁକରୀ ମୋପାଇଁ ଗାଈ,
ମୋ ପରି ମଣିଷ ଆଉ କେ ନାହିଁ l
ବେଙ୍ଗି ପିତ୍ତଲ ମୋ ଶୁଦ୍ଧ ସୁବର୍ଣ୍ଣ,
ଘୃଣା, ଇର୍ଷା ଧନେ କିଏ ସମାନ ?
ଅଟଇ ମୁହିଁ ସେହି ରାବଣ,
ସ୍ବର୍ଣ୍ଣ ଲଙ୍କା ଅଛି ମୋହରି ଜାଣ !
ରାମଙ୍କ ପଦ ଯଦି ଅନୁସରି,
ହେବି କାହିଁ ମୁହିଁ ବନଚାରୀ l
ବେଦ, ପୁରାଣ, ଗୀତା ପଢ଼ିଲେ,
ଦୁଃଖ ମୋହର ବଢ଼ିଇ ଭଲେ l
ଶାଶୁ ବୋହୂ ଟିଭି ଧାରାବାହିକ,
ଦେଖିଲେ ମୁଁ ପାଏ ପରମ ସୁଖ l
ଦୁଃଖବେଳେ ମୁଁ ଯାଏ ଦୁରେଇ,
ସୁଖ ଆସିଲେ ମୁଁ ଆସେ ପାଖେଇ l
ବନ୍ଧୁ ମୋପାଇଁ ଅଟନ୍ତି ବିପତ୍ତି,
ଶତ୍ରୁ ଅଟଇ ମୋର ଚିର ସାଥୀ l
ସତରେ ମୁଁ ଏକ ଭିନ୍ନ ମଣିଷ,
ଭିନ୍ନ ଜଗତର, ଭିନ୍ନ ପୃଥିବୀର l।