ଅଶ୍ରୁଳ ବିଦାୟ

ଶକ୍ତ ଲେଖନୀ ସ୍ତବ୍ଧ ପାଲଟିଲା

ଶୂନ୍ୟ ସ୍ଥାନ ସାହିତ୍ୟରେ,

ନୀରବ ହୋଇଲେ ମାତାମନୋରମା

କେ ହେବ ତାଙ୍କରି ତୁଲେ ।

ଶିକ୍ଷା ସାହିତ୍ୟ ସମାଜସେବାରେ

ଅଗ୍ରଗଣ୍ୟା ପୁରୋଧା ସେ,

ଶାରଳା ସମ୍ମାନେ ସମ୍ମାନିତା ହୋଇ

ଇତିହାସ ରଚିଲେ ସେ ।

ସାତ ସମୁଦ୍ର ତେର ନଈ 

 ଜହ୍ନ ରାଇଜର କଥା

କିଏ ସେ ରଚିବ ଆଉ,

ଟିକି ବଗିଚାର ଟିକି ଚଢ଼େଇ

 ଏକଲା ନଈର ଗୀତ

ସେ ଲେଖା କାହୁଁ ମିଳିବ ।

ଧନ୍ୟ କାଳଜୟୀ ସାରସ୍ଵତ ସ୍ରଷ୍ଟା

ଧନ୍ୟ ତୁମ ମାତାପିତା,

ସାହିତ୍ୟ ଜଗତେ ସଦା ପ୍ରସ୍ଫୁଟିତ

ସାଜିଲ ଜଗତଜିତା ।

ଚୀର ବନ୍ଦନୀୟା ଅମଳିନ ଜ୍ୟୋତି

କିର୍ତ୍ତୀରାଜି ରଖିଗଲ,

ଆତ୍ମା ତୁମର ସଦଗତି ଲଭୁ

ଅଶ୍ରୁଳ ବିଦାୟ ଘେନ।